© Sputnik / Merýert Alimova
Qazaqstan Presight AI Ltd. kompaniiasymen sýperkompiýter qurý týraly kelisimge qol qoidy, dep habarlaidy tsifrlyq damý, innovatsiialar jáne aeroǵarysh ónerkásibi ministrliginiń baspasóz qyzmeti.
Tehnologiialyq infraqurylymdy (sýperkompiýter) iske qosý Qazaqstannyń Ortalyq Aziiadaǵy jasandy intellektti damytý salasyndaǵy kóshbasshylyǵyn aiqyndaidy jáne kórshiles elder úshin esepteý qýattaryn jalǵa alýǵa múmkindik beredi dep esepteidi ministrlik.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin, "Samuryq-Qazyna" AQ jáne Presight AI Ltd. kompaniiasymen Qazaqstanda sýperkompiýter qurý jáne tiisti derekterdi óńdeý ortalyǵyn salý jobasy boiynsha negizgi sharttar týraly kelisimge qol qoidy.
"Jobany eki kezeńde júzege asyrý josparlanýda. Birinshisi "Ulttyq aqparttyq tehnologiialar" AQ (Elektrondyq úkimettiń aqparttyq-kommýnikativtik tehnologiialar operatory) jumys istep turǵan derekter ortalyǵynda esepteý qýatyn ornalastyrýdy kózdeidi, al ekinshisi esepteý qýatynyń úlken kólemin ornalastyrýmen jańa derekter ortalyǵynyń qurylysyn qarastyrady", - delingen ministrlik habarlamasynda.
Buǵan deiin Baǵdat Mýsin AI-dy ekonomikanyń barlyq salalaryna, sondai-aq elektrondyq úkimetke engizý múmkindigi úshin ózimizdiń ulttyq LLM (úlken til úlgisi) qurýdyń mańyzdylyǵyn atap ótti.
"Ministrlik Nazarbaev ýniversitetimen, "Til-Qazyna" qorymen jáne basqa da mekemelermen ekonomika salalarynda jáne elektrondyq úkimette jasandy intellektini keńinen qoldaný úshin "Kazakh LLM" qurýǵa daiyndyq jumystary júrgizilýde, sondai-aq Qazaqstannyń startaptaryna, institýttaryna jáne ǵylymi ortalyqtaryna esepteý qýatyna qoljetimdilikti qamtamasyz etý mehanizmin ázirleý boiynsha birlesken jumys uiymdastyrdy", - dep habarlaidy ministrlik.
Naryqta jasandy intellektini engizýmen ainalysatyn birqatar startaptar men jetilgen kompaniialar paida boldy, mysaly: Cerebra, ForUS.Data, GoatChat.AI, Higgsfield AI, AI Labs, Sergek Group jáne t.b.
Tabysty jaǵdailardyń biri – jedeldetilgen rejimde insýlttiń avtomattandyrylǵan diagnostikasyn júzege asyratyn otandyq Cerebra platformasy. Qazaqstanda sátti synaqtan ótkennen keiin joba Ózbekstan naryǵyna shyqty.
Sýperkompiýter – úlken kólemdegi málimetterdi óńdeýdi jáne kóptegen esepteý operatsiialaryn oryndaýdy talap etetin esepterdi sheshýge qabiletti, ónimdiligi joǵary esepteýish mashina. Sýperkompiýter trilliondaǵan, keide kvadrilliondaǵan (15 nólden turatyn san) esepteý operatsiialaryn oryndai alady.
