QR Joǵarǵy Sotynyń baspasóz hatshysy Aidos Sadýaqasov 2021 jylǵy 1 shildeden bastap kúshine enetin Ákimshilik rásimdik-protsestik kodekste qarastyrylǵan sýdianyń mindetterin túsindirdi, dep habarlaidy "Ult aqparat".
«Bul zańǵa sáikes, eshqashan memlekettik organ talapker rólinde bola almaidy, tek qana jaýapker bolyp sanalady. Ekinshiden, kóp jaǵdaida sottyń sheshimderi oryndalmai jatady. Endi jańa zańnamaǵa sáikes sýdia sheshim shyǵaryp qana qoimai, onyń oryndalýyn da qadaǵalai alady. Eger laýazymdy tulǵa sot sheshimin oryndamasa, 50-den 100 AEK-ke deiin qarjylai óndirip alý sharasy qoldanylady», - dedi dedi A. Sadýaqasov Ortalyq kommýnikatsiialar qyzmetinde.
Osy oraida shyǵarylǵan sheshim oryndalmaiynsha sýdia ol adamdy jaýapkershilikten bosatpaidy.
«Osy zań elimizdegi azamattardyń quqyqtyq qorǵalýy deńgeiin arttyrady», - dedi baspasóz hatshysy.
