Táýelsiz Qazaqstan tarihynda tuńǵysh ret tolyqtai jańadan salynǵan áýejai paida bolady. Ózge áýejailardyń qurylysy barysynda Keńes odaǵy kezindegi infraqurylym paidalanylǵan bolatyn, dep habarlaidy Sputnik Qazaqstan tilshisi.
Áýejai Túrkistan oblysynda salynady. Kazakhstan Global Investment Roundtable atty jahandyq investitsiialar jónindegi dóńgelek ústel barysynda óńir ákimdigi men Túrkiianyń YDA Holding kompaniiasymen tiisti kelisimge qol qoidy.
"Biz bul áýejaidaǵy alǵashqy jumystardyń bastalǵanyn qýana habarlaimyz. 100-120 millionov dollar kólemindegi investitsiia baǵyttaimyz. Aerodromdy jobalap, ushý-qoný jolaǵy men erekshe dizain jasaý ońaiǵa soqpaidy. Onyń bári halyqaralyq standarttarǵa sai bolýy tiis. Biz áýejai biznesinde birneshe jyl boiy jumys istep kelemiz", - deidi YDA Holding kompaniiasy basqarý keńesiniń tóraǵasy Hýsein Arslan.
Onyń aitýynsha, Túrkistan oblysyndaǵy áýejai qurylysy 2020 jyldyń sońynda aiaqtalady.
"Tolyqtai jańadan áýejai salý biz úshin ońaiǵa soqpaidy. Degenmen jeltoqsan aiynda alǵashqy ushaqtardy qabyldai bastaimyz dep senemin", - dedi ol.
