تەۋەلسٸز قازاقستان تاريحىندا تۇڭعىش رەت تولىقتاي جاڭادان سالىنعان ەۋەجاي پايدا بولادى. ٶزگە ەۋەجايلاردىڭ قۇرىلىسى بارىسىندا كەڭەس وداعى كەزٸندەگٸ ينفراقۇرىلىم پايدالانىلعان بولاتىن, دەپ حابارلايدى Sputnik قازاقستان تٸلشٸسٸ.
ەۋەجاي تٷركٸستان وبلىسىندا سالىنادى. Kazakhstan Global Investment Roundtable اتتى جاھاندىق ينۆەستيتسييالار جٶنٸندەگٸ دٶڭگەلەك ٷستەل بارىسىندا ٶڭٸر ەكٸمدٸگٸ مەن تٷركييانىڭ YDA Holding كومپانيياسىمەن تيٸستٸ كەلٸسٸمگە قول قويدى.
"بٸز بۇل ەۋەجايداعى العاشقى جۇمىستاردىڭ باستالعانىن قۋانا حابارلايمىز. 100-120 ميلليونوۆ دوللار كٶلەمٸندەگٸ ينۆەستيتسييا باعىتتايمىز. اەرودرومدى جوبالاپ, ۇشۋ-قونۋ جولاعى مەن ەرەكشە ديزاين جاساۋ وڭايعا سوقپايدى. ونىڭ بەرٸ حالىقارالىق ستاندارتتارعا ساي بولۋى تيٸس. بٸز ەۋەجاي بيزنەسٸندە بٸرنەشە جىل بويى جۇمىس ٸستەپ كەلەمٸز", - دەيدٸ YDA Holding كومپانيياسى باسقارۋ كەڭەسٸنٸڭ تٶراعاسى حۋسەين ارسلان.
ونىڭ ايتۋىنشا, تٷركٸستان وبلىسىنداعى ەۋەجاي قۇرىلىسى 2020 جىلدىڭ سوڭىندا اياقتالادى.
"تولىقتاي جاڭادان ەۋەجاي سالۋ بٸز ٷشٸن وڭايعا سوقپايدى. دەگەنمەن جەلتوقسان ايىندا العاشقى ۇشاقتاردى قابىلداي باستايمىز دەپ سەنەمٸن", - دەدٸ ول.
