Foto: Pexels.com
Elde stalking úshin qylmystyq jaýapkershilik engizý josparlanýda. Májilis depýtaty Abzal Quspannyń aitýynsha, jumys toby bul normany maquldap úlgerdi. Endi zań jobasyn palatada ekinshi oqylymǵa shyǵarý kózdelýde, dep habarlaidy Orda.kz.
Jýrnalisterdiń jaza túri týraly suraǵyna depýtat aiyppul salý máselesi qaralyp jatqanyn aitty:
«Biz barlyǵyn jappai jaýapqa tartýdy josparlap otyrǵan joqpyz. Aiyppul kólemi týraly aitý qiyn, sebebi plenarlyq otyrysta ony arttyrý nemese azaitý boiynsha ózgerister engizilýi múmkin».
Stalkingti neǵurlym qatań sanktsiialarmen jazalanatyn qylmystyq quqyqbuzýshylyqqa nege qospaǵany týraly suraqqa depýtat:
«Mundai sheshimderdi asyǵys qabyldaýǵa bolmaidy. Qylmystyq kodekske jańa normalardy óte saqtyqpen engizý qajet. Quqyq qoldaný, tergeý jáne sot tájiribesin zerdelep, taldaý júrgizgennen keiin ǵana sanktsiialardy qatańdatý týraly aitýǵa bolady. Bul — adamdardyń taǵdyry», - dedi Abzal Quspan.
Eger zań jobasy qabyldansa, Qazaqstan stalkingti qylmystyq quqyqbuzýshylyq dep tanityn elderdiń qataryna qosylady. Biraq alǵashqy kezeńde salystyrmaly túrde jumsaq sanktsiialar qarastyrylady.
Aita keteiik, Dana Nurjigit burynǵy kúieýiniń stalkingi men qýdalaýyna qalai qarsy turǵanyn aityp bergen.
