Foto:elements.envato.com
Qazaqstanda júldeger sportshylar men olardyń bapkerlerine ómir boiyna ai saiyn tólenetin tólemaqy tórt ese ósti, - dep habarlaidy Tengrinews.kz agenttigi Sport jáne dene shynyqtyrý isteri komitetiniń baspasóz qyzmetine silteme jasap.
"Qazaqstandyq sportshylarǵa jáne Olimpiada, Paralimpiada, Sýrdlimpiada oiyndarynyń jeńimpazdary men júldegerlerine, sondai-aq olimpiadalyq sport túrlerinen álem chempionaty jeńimpazdarynyń jattyqtyrýshylaryna ómir boiyna ai saiynǵy qoldaý mólsheri ulǵaityldy.
Bul tólem bastapqyda 24 AEK, iaǵni 76 380 teńge bolyp, uzaq jyldar boiy ózgerissiz qalǵan bolatyn. Degenmen biyl Mádeniet jáne sport ministrliginiń úkimetke usynysy qoldaý taýyp, ai saiynǵy járdemaqy mólsheri 100 AEK – 318 myń teńgege deiin ósti", - dedi komitettegiler.
Ózgerister tek sportshylarǵa ǵana emes, olardyń jattyqtyrýshylaryna da qatysty. Olimpiada, Paralimpiada, Sýrdlimpiada oiyndarynyń jeńimpazdary men júldegerlerin jáne olimpiadalyq sport túrlerinen álem chempiondaryn tárbielegen jattyqtyrýshylar de ómir boiyna alatyn ai saiynǵy materialdyq qoldaýǵa ótinish bere alady.
Komitet tólem alý úshin sportshylar men jattyqtyrýshylarda sport salasynda 20 jyldyq eńbek ótili bolýy kerek ekenin atap ótti.
