فوتو:elements.envato.com
قازاقستاندا جٷلدەگەر سپورتشىلار مەن ولاردىڭ باپكەرلەرٸنە ٶمٸر بويىنا اي سايىن تٶلەنەتٸن تٶلەماقى تٶرت ەسە ٶستٸ, - دەپ حابارلايدى Tengrinews.kz اگەنتتٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
"قازاقستاندىق سپورتشىلارعا جەنە وليمپيادا, پاراليمپيادا, سۋردليمپيادا ويىندارىنىڭ جەڭٸمپازدارى مەن جٷلدەگەرلەرٸنە, سونداي-اق وليمپيادالىق سپورت تٷرلەرٸنەن ەلەم چەمپيوناتى جەڭٸمپازدارىنىڭ جاتتىقتىرۋشىلارىنا ٶمٸر بويىنا اي سايىنعى قولداۋ مٶلشەرٸ ۇلعايتىلدى.
بۇل تٶلەم باستاپقىدا 24 اەك, ياعني 76 380 تەڭگە بولىپ, ۇزاق جىلدار بويى ٶزگەرٸسسٸز قالعان بولاتىن. دەگەنمەن بيىل مەدەنيەت جەنە سپورت مينيسترلٸگٸنٸڭ ٷكٸمەتكە ۇسىنىسى قولداۋ تاۋىپ, اي سايىنعى جەردەماقى مٶلشەرٸ 100 اەك – 318 مىڭ تەڭگەگە دەيٸن ٶستٸ", - دەدٸ كوميتەتتەگٸلەر.
ٶزگەرٸستەر تەك سپورتشىلارعا عانا ەمەس, ولاردىڭ جاتتىقتىرۋشىلارىنا دا قاتىستى. وليمپيادا, پاراليمپيادا, سۋردليمپيادا ويىندارىنىڭ جەڭٸمپازدارى مەن جٷلدەگەرلەرٸن جەنە وليمپيادالىق سپورت تٷرلەرٸنەن ەلەم چەمپيوندارىن تەربيەلەگەن جاتتىقتىرۋشىلار دە ٶمٸر بويىنا الاتىن اي سايىنعى ماتەريالدىق قولداۋعا ٶتٸنٸش بەرە الادى.
كوميتەت تٶلەم الۋ ٷشٸن سپورتشىلار مەن جاتتىقتىرۋشىلاردا سپورت سالاسىندا 20 جىلدىق ەڭبەك ٶتٸلٸ بولۋى كەرەك ەكەنٸن اتاپ ٶتتٸ.
