Densaýlyq saqtaý ministri Aleksei Tsoi Qazaqstanda jedel járdem qyzmetine júginý jaǵdaiy edáýir azaiǵanyn málim etti, dep habarlaidy "Ult aqparat".
«Bizdegi taǵy bir jaǵymdy jańalyq – infektsiialyq jáne provizorlyq tósek oryndardyń tolymdylyǵynyń azaiýy. Osy jyldyń maýsym aiynda eldegi keibir aýrýhanada jaǵdai qatty ýshyǵyp ketken edi. Búgingi tańda statsionarlardyń 34 paiyzynda ǵana naýqastar jatyr. Buǵan tósek oryndarynyń qoryn 48 997-ge deiin arttyrý esebinen qol jetkizilip otyr. Osylaisha Qazaqstannyń 7 óńirinde 15 statsionar jabylyp, qaita qurylymdaldy», - dedi Aleksei Tsoi OKQ-da ótken baspasóz máslihatynda.
Ministrdiń aitýynsha osyndai jaily dinamika jedel járdem qyzmeti salasynda da baiqalady.
«Maýsym aiynyń sońynda respýblikada jedel járdem qyzmetin shaqyrýdyń jaǵdaiy 30 myńǵa deiin jetip edi. Karantinniń sońǵy eki aptasynda jedel járdem qyzmetine júginýdiń jalpy jaǵdaiy eki ese azaidy», - dedi ol.
Aleksei Tsoi indetpen tek statsionarlar arqyly kúresý óte kúrdeli ekenin jetkizdi.
«Bul rette dárigerlerdiń altynǵa bergisiz erejesin este ustaǵan abzal: aýyryp em izdegenshe, árdaiym aýyrmaýdyń amalyn izdegen durys. Eń birinshi kezekte bul COVID-19 aýrýyna tikelei bailanysty támsil», - dedi Aleksei Tsoi.
