دەنساۋلىق ساقتاۋ مينيسترٸ الەكسەي تسوي قازاقستاندا جەدەل جەردەم قىزمەتٸنە جٷگٸنۋ جاعدايى ەدەۋٸر ازايعانىن مەلٸم ەتتٸ, دەپ حابارلايدى "ۇلت اقپارات".
«بٸزدەگٸ تاعى بٸر جاعىمدى جاڭالىق – ينفەكتسييالىق جەنە پروۆيزورلىق تٶسەك ورىنداردىڭ تولىمدىلىعىنىڭ ازايۋى. وسى جىلدىڭ ماۋسىم ايىندا ەلدەگٸ كەيبٸر اۋرۋحانادا جاعداي قاتتى ۋشىعىپ كەتكەن ەدٸ. بٷگٸنگٸ تاڭدا ستاتسيونارلاردىڭ 34 پايىزىندا عانا ناۋقاستار جاتىر. بۇعان تٶسەك ورىندارىنىڭ قورىن 48 997-گە دەيٸن ارتتىرۋ ەسەبٸنەن قول جەتكٸزٸلٸپ وتىر. وسىلايشا قازاقستاننىڭ 7 ٶڭٸرٸندە 15 ستاتسيونار جابىلىپ, قايتا قۇرىلىمدالدى», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا وسىنداي جايلى ديناميكا جەدەل جەردەم قىزمەتٸ سالاسىندا دا بايقالادى.
«ماۋسىم ايىنىڭ سوڭىندا رەسپۋبليكادا جەدەل جەردەم قىزمەتٸن شاقىرۋدىڭ جاعدايى 30 مىڭعا دەيٸن جەتٸپ ەدٸ. كارانتيننٸڭ سوڭعى ەكٸ اپتاسىندا جەدەل جەردەم قىزمەتٸنە جٷگٸنۋدٸڭ جالپى جاعدايى ەكٸ ەسە ازايدى», - دەدٸ ول.
الەكسەي تسوي ٸندەتپەن تەك ستاتسيونارلار ارقىلى كٷرەسۋ ٶتە كٷردەلٸ ەكەنٸن جەتكٸزدٸ.
«بۇل رەتتە دەرٸگەرلەردٸڭ التىنعا بەرگٸسٸز ەرەجەسٸن ەستە ۇستاعان ابزال: اۋىرىپ ەم ٸزدەگەنشە, ەردايىم اۋىرماۋدىڭ امالىن ٸزدەگەن دۇرىس. ەڭ بٸرٸنشٸ كەزەكتە بۇل COVID-19 اۋرۋىنا تٸكەلەي بايلانىستى تەمسٸل», - دەدٸ الەكسەي تسوي.
