QR Premer-ministri Álihan Smaiylov Skoda Transportation kompaniiasynyń direktorlar keńesiniń tóraǵasy Dide Pflegermen kelissóz júrgizdi, - dep habarlaidy "Ult aqparat" Primeminister.kz saityna silteme jasap.
Taraptar respýblikada temirjol jáne qalalyq qoǵamdyq kólik shyǵarý, tehnikalyq qyzmet kórsetý jáne jańǵyrtý jónindegi jobalardy iske qosý perspektivalaryn talqylady.
Premer-ministr investorlar úshin túrli salyqtyq jáne kedendik jeńildikter qarastyrylǵanyn eskere otyryp, kompaniianyń elimizde naqty jobalardy júzege asyratynyna senim bildirdi. Osy oraida ol lokalizatsiiasy joǵary jáne tolyq tsikldi óndiris ashý máselesin qarastyrýdy usyndy.
"Qazaqstan Úkimeti mashina jasaý salasyna erekshe kóńil bóledi, sondyqtan biz sheteldik áriptestermen yntymaqtastyq ornatýǵa múddelimiz. Sondai-aq birlesken jobalardy iske asyrýǵa qazaqstandyq mashina jasaý kásiporyndaryn tartýǵa bolady dep sanaimyz", - dedi Álihan Smaiylov.
Ol Skoda Transportation kompaniiasymen ózara tiimdi yqpaldastyqty pysyqtaý úshin barlyq múddeli memlekettik organdar men uiymdardyń qatysýymen arnaiy jumys toby qurylǵanyn atap ótti.
Óz kezeginde Dide Pfleger kompaniia jańa naryqtardy baǵyndyrýǵa daiyn ekenin, sondyqtan óz óndiristerin ornalastyrý jáne damytý úshin Qazaqstandy perspektivti seriktes retinde qarastyryp otyrǵanyn atap ótti.
Kezdesý qorytyndysy boiynsha taraptar ózara tiimdi jobalardy ázirleý boiynsha belsendi jumysty jalǵastyrý jóninde kelisti.
Chehiialyq Skoda Transportation mashina jasaý kompaniiasy – ártúrli kólik túrlerin, onyń ishinde metro, tramvai, trolleibýs, temirjol vagondary, elektr poiyzdary men elektr avtobýstaryn shyǵaratyn jetekshi eýropalyq óndirýshilerdiń biri. Kásiporyn Skoda Holding-tiń quramyna kiredi.
