Memlekettik qoldaýdyń nátijesinde 300-ge tarta kásiporyn ózderiniń ótinimin alys elderge sata bastady. Bul týraly QR Saýda jáne integratsiia ministri Baqyt Sultanov málim etti, dep habarlaidy QazAqparat.
«2019 jyldan beri óndirýshi zaýyttan importtaýshyǵa deiin taýardy jetkizý boiynsha óńdelgen ónim eksporttaýshylarynyń shyǵyndaryn óteý tetigi engizildi. Qoldaýdyń arqasynda 300-ge tarta kásiporyn ózderiniń ótimin alys elderge jetkize bastady», - dedi B. Sultanov onlain rejimde halyq aldynda esep berýi kezinde.
Ol sózine naqty mysaldar keltirdi.
«Shyǵyndy óteý zyǵyr men rapsty Belgiiaǵa jetkizýge, al metallýrgiia ónimin Japoniiaǵa jetkizýge kómektesti. Bizdiń akkýmýliatorlar endi Italiiada satyla bastady, sondai-aq biyldan bastap Frantsiia naryǵyna ótkizemiz», - dedi ministr.
Budan buryn habarlanǵandai, Baqyt Sultanov eksportqa qatysty jaǵdaidy aitty.
«Karantin shekteýleri men ónim jetkizýdegi kemshilikter azyq-túlik emes taýarlarǵa suranystyń 20 paiyzǵa jýyq tómendeýine alyp keldi. Sonymen qatar, lokdaýndar aýyl sharýashylyǵy taýarlarynyń saýdasyna aitarlyqtai áser etpedi», - dedi ministr.
