مەملەكەتتٸك قولداۋدىڭ نەتيجەسٸندە 300-گە تارتا كەسٸپورىن ٶزدەرٸنٸڭ ٶتٸنٸمٸن الىس ەلدەرگە ساتا باستادى. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ مەلٸم ەتتٸ, دەپ حابارلايدى قازاقپارات.
«2019 جىلدان بەرٸ ٶندٸرۋشٸ زاۋىتتان يمپورتتاۋشىعا دەيٸن تاۋاردى جەتكٸزۋ بويىنشا ٶڭدەلگەن ٶنٸم ەكسپورتتاۋشىلارىنىڭ شىعىندارىن ٶتەۋ تەتٸگٸ ەنگٸزٸلدٸ. قولداۋدىڭ ارقاسىندا 300-گە تارتا كەسٸپورىن ٶزدەرٸنٸڭ ٶتٸمٸن الىس ەلدەرگە جەتكٸزە باستادى», - دەدٸ ب. سۇلتانوۆ ونلاين رەجيمدە حالىق الدىندا ەسەپ بەرۋٸ كەزٸندە.
ول سٶزٸنە ناقتى مىسالدار كەلتٸردٸ.
«شىعىندى ٶتەۋ زىعىر مەن راپستى بەلگيياعا جەتكٸزۋگە, ال مەتاللۋرگييا ٶنٸمٸن جاپونيياعا جەتكٸزۋگە كٶمەكتەستٸ. بٸزدٸڭ اككۋمۋلياتورلار ەندٸ يتالييادا ساتىلا باستادى, سونداي-اق بيىلدان باستاپ فرانتسييا نارىعىنا ٶتكٸزەمٸز», - دەدٸ مينيستر.
بۇدان بۇرىن حابارلانعانداي, باقىت سۇلتانوۆ ەكسپورتقا قاتىستى جاعدايدى ايتتى.
«كارانتين شەكتەۋلەرٸ مەن ٶنٸم جەتكٸزۋدەگٸ كەمشٸلٸكتەر ازىق-تٷلٸك ەمەس تاۋارلارعا سۇرانىستىڭ 20 پايىزعا جۋىق تٶمەندەۋٸنە الىپ كەلدٸ. سونىمەن قاتار, لوكداۋندار اۋىل شارۋاشىلىعى تاۋارلارىنىڭ ساۋداسىنا ايتارلىقتاي ەسەر ەتپەدٸ», - دەدٸ مينيستر.
