2020 jyldyń 16 jeltoqsannan bastap Qazaqstanda sheteldik bankterde tikelei filialdaryn ashýǵa ruqsat beriledi.
Bul jaiynda Májilis depýtattarynyń resmi saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«2020 jyldyń 16 jeltoqsanynan sheteldik bankterge tikelei filialdaryn ashýǵa ruqsat beriledi. Bul rette qarjy sektorynyń jaýapkershiligin saqtaý maqsatynda sheteldik bankterdiń minimaldy jarǵylyq kapitalyna talap saqtalady. 2021 jyldyń 1 qańtarynan bastap 2019 jyldyń 1 qańtaryna deiin jasalǵan jer qoinaýyn paidalanýshylarǵa arnalǵan kelisimsharttarda qazaqstandyq qamtý talaptary alynyp tastalady. Degenmen Úkimet ótpeli kezeń qorytyndysyna orai Dúniejúzilik saýda uiymy men Eýraziialyq ekonomikalyq odaq turǵysynda ruqsat berilgen otandyq óndiristi qoldaýdyń balama sharalaryn ázirleitindigin habarlaimyz», - dedi Asqar Mamin.
Onyń atap ótýinshe, 2015 jylydń 30 qazanynda Dúniejúzilik saýda uiymynyń barlyq múshe elderi Qazaqstandy qolaily investitsiialyq ahýaldy qamtamasyz etetin jáne halyqaralyq quqyqtyq normalarǵa sai saýda saiasatyn júrgizetin teń seriktes retinde moiyndaǵan.
«Qazaqstan DSU-ǵa kirgen sátten bastap el ekonomikasyna shamamen 67 mlrd dollar kóleminde tikelei shetel investitsiiasy tartyldy. Onyń ishinde óńdeý ónerkásibine 19, qyzmet kórsetý sektoryna 32 jáne munai-gaz jáne óndirý sektoryna 46,5 paiyzy tiesili. Buǵan qosa, ekonomikanyń shikizattyq emes sektoryna, sonymen qatar qyzmet kórsetý salasyna investitsiia aǵynynyń artýy baiqalady», - dep atap ótedi Úkimet basshysy.
