Foto:depositphotos.com
Jetisý oblysy prokýratýrasynyń úilestirýimen politsiia internatsionaldyq alaiaqtar tobynyń jolyn kesti, - dep habarlaidy "Ult aqparat" Tengrinews.kz-ke silteme jasap.
4 adamnan turatyn top, sheteldik azamattarmen birlese otyryp, oblystyń júzden asa turǵynyn aldaǵan, olar 100 million teńgeden astam shyǵynǵa ushyrady.
"Qylmystyq nietterine qoljetkizý úshin olar ártúrli aldaý shemalary men zamanaýi tehnologiialardy, iaǵni qashyqtan qoljetkizý qoldanbalaryn (AnyDesk, Kenguru, Teamviewer) jáne t.b. paidalandy. Toptyń óziniń "Qolma-qol aqsha sheshý ortalyǵy" bar, ol dropperlerdi paidalanyp, qarajatty kriptovaliýtaǵa aýdaryp otyrǵan", - delingen habarlamada.
Olardyń turǵylyqty jerin tintý kezinde 35 uialy telefon, 3 júielik blok, 3 noýtbýk, 2 pnevmatikalyq tapansha jáne qymbat nómirleri bar 3 liýks kólik tárkilengen.
"Toptyń 4 múshesine qatysty sotaldy tergep-tekserý júrgizilip jatyr, qazirgi ýaqytta olar qamaýǵa alyndy. Qylmys jasaǵany úshin kúdiktiler múlkin tárkilei otyryp, jeti jylǵa deiin bas bostandyǵynan aiyrý túrindegi jazaǵa tartylýy múmkin", - delingen habarlamada.
Jetisý oblysy prokýratýrasy azamattarǵa alaiaqtyqtyń qurbany bolmaýdy, basqa tulǵalarǵa jeke derekterdi nemese bank shotynyń málimetterin berýden bas tartýy kerektigin eskertti.
