فوتو:depositphotos.com
جەتٸسۋ وبلىسى پروكۋراتۋراسىنىڭ ٷيلەستٸرۋٸمەن پوليتسييا ينتەرناتسيونالدىق الاياقتار توبىنىڭ جولىن كەستٸ, - دەپ حابارلايدى "ۇلت اقپارات" Tengrinews.kz-كە سٸلتەمە جاساپ.
4 ادامنان تۇراتىن توپ, شەتەلدٸك ازاماتتارمەن بٸرلەسە وتىرىپ, وبلىستىڭ جٷزدەن اسا تۇرعىنىن الداعان, ولار 100 ميلليون تەڭگەدەن استام شىعىنعا ۇشىرادى.
"قىلمىستىق نيەتتەرٸنە قولجەتكٸزۋ ٷشٸن ولار ەرتٷرلٸ الداۋ سحەمالارى مەن زاماناۋي تەحنولوگييالاردى, ياعني قاشىقتان قولجەتكٸزۋ قولدانبالارىن (AnyDesk, Kenguru, Teamviewer) جەنە ت.ب. پايدالاندى. توپتىڭ ٶزٸنٸڭ "قولما-قول اقشا شەشۋ ورتالىعى" بار, ول دروپپەرلەردٸ پايدالانىپ, قاراجاتتى كريپتوۆاليۋتاعا اۋدارىپ وتىرعان", - دەلٸنگەن حابارلامادا.
ولاردىڭ تۇرعىلىقتى جەرٸن تٸنتۋ كەزٸندە 35 ۇيالى تەلەفون, 3 جٷيەلٸك بلوك, 3 نوۋتبۋك, 2 پنەۆماتيكالىق تاپانشا جەنە قىمبات نٶمٸرلەرٸ بار 3 ليۋكس كٶلٸك تەركٸلەنگەن.
"توپتىڭ 4 مٷشەسٸنە قاتىستى سوتالدى تەرگەپ-تەكسەرۋ جٷرگٸزٸلٸپ جاتىر, قازٸرگٸ ۋاقىتتا ولار قاماۋعا الىندى. قىلمىس جاساعانى ٷشٸن كٷدٸكتٸلەر مٷلكٸن تەركٸلەي وتىرىپ, جەتٸ جىلعا دەيٸن باس بوستاندىعىنان ايىرۋ تٷرٸندەگٸ جازاعا تارتىلۋى مٷمكٸن", - دەلٸنگەن حابارلامادا.
جەتٸسۋ وبلىسى پروكۋراتۋراسى ازاماتتارعا الاياقتىقتىڭ قۇربانى بولماۋدى, باسقا تۇلعالارعا جەكە دەرەكتەردٸ نەمەسە بانك شوتىنىڭ مەلٸمەتتەرٸن بەرۋدەن باس تارتۋى كەرەكتٸگٸن ەسكەرتتٸ.
