Búgin elimizde QR Parlamenti Senaty depýtattaryn sailaý ótedi. Osylaisha respýblikanyń 17 óńirinen Senatqa bir-bir depýtattan sailanady, dep habarlaidy "Ult aqparat".
Aýmaqtyq sailaý komissiialary usynǵan málimetterge sáikes, sailaý biýlletenderine 46 kandidat engizildi. Atap aitqanda, Shyǵys Qazaqstan oblysynan - 4 kandidattan, al 10 óńirden 3 kandidattan: Aqmola, Atyraý, Batys Qazaqstan, Qaraǵandy, Qostanai, Qyzylorda jáne Pavlodar oblystary, Nur-Sultan, Almaty, Shymkent qalalary. Qalǵan óńirlerden - 2 kandidattan tirkeldi.
Respýblika boiynsha tańdaýshylar tizimine 3 069 máslihat depýtaty engizilgen. Olardyń basym bóligi Almaty oblysynan - 317 jáne Shyǵys Qazaqstan oblysynan – 301, al edáýir az bóligi Nur-Sultan qalasynan - 21, Shymkent qalasynan - 26 jáne Almaty qalasynan - 32.
Ortalyq sailaý komissiiasy jáne aýmaqtyq sailaý ýchaskeleri tarapynan tolyqqandy jumys júrgizildi. Koronavirýs indetine bailanysty senatorlardy sailaýshy máslihat depýtattarynyń qaýipsizdigin qamtamasyz etý úshin barlyq jaǵdai jasaldy.
Bul jolǵy Senat depýtattaryn sailaýǵa sheteldik baiqaýshylar kóp qatyspaidy. Buǵan álemdi jailaǵan koronavirýs indeti sebep bolyp otyrǵany belgili. Degenmen, QR Ortalyq sailaý komissiiasynyń málimetinshe, Túrkitildes memleketterdiń yntymaqtastyq keńesinen 5 baiqaýshy akkredittelgen.
Munan bólek, QR SIM janynda akkredittelgen sheteldik buqaralyq aqparat quraldarynyń 143 ókili sailaý týraly zańnamaǵa sáikes sailaýdy halyqaralyq baiqaýshylarmen teń dárejede baiqai alady.
