بٷگٸن ەلٸمٸزدە قر پارلامەنتٸ سەناتى دەپۋتاتتارىن سايلاۋ ٶتەدٸ. وسىلايشا رەسپۋبليكانىڭ 17 ٶڭٸرٸنەن سەناتقا بٸر-بٸر دەپۋتاتتان سايلانادى, دەپ حابارلايدى "ۇلت اقپارات".
اۋماقتىق سايلاۋ كوميسسييالارى ۇسىنعان مەلٸمەتتەرگە سەيكەس, سايلاۋ بيۋللەتەندەرٸنە 46 كانديدات ەنگٸزٸلدٸ. اتاپ ايتقاندا, شىعىس قازاقستان وبلىسىنان - 4 كانديداتتان, ال 10 ٶڭٸردەن 3 كانديداتتان: اقمولا, اتىراۋ, باتىس قازاقستان, قاراعاندى, قوستاناي, قىزىلوردا جەنە پاۆلودار وبلىستارى, نۇر-سۇلتان, الماتى, شىمكەنت قالالارى. قالعان ٶڭٸرلەردەن - 2 كانديداتتان تٸركەلدٸ.
رەسپۋبليكا بويىنشا تاڭداۋشىلار تٸزٸمٸنە 3 069 مەسليحات دەپۋتاتى ەنگٸزٸلگەن. ولاردىڭ باسىم بٶلٸگٸ الماتى وبلىسىنان - 317 جەنە شىعىس قازاقستان وبلىسىنان – 301, ال ەدەۋٸر از بٶلٸگٸ نۇر-سۇلتان قالاسىنان - 21, شىمكەنت قالاسىنان - 26 جەنە الماتى قالاسىنان - 32.
ورتالىق سايلاۋ كوميسسيياسى جەنە اۋماقتىق سايلاۋ ۋچاسكەلەرٸ تاراپىنان تولىققاندى جۇمىس جٷرگٸزٸلدٸ. كوروناۆيرۋس ٸندەتٸنە بايلانىستى سەناتورلاردى سايلاۋشى مەسليحات دەپۋتاتتارىنىڭ قاۋٸپسٸزدٸگٸن قامتاماسىز ەتۋ ٷشٸن بارلىق جاعداي جاسالدى.
بۇل جولعى سەنات دەپۋتاتتارىن سايلاۋعا شەتەلدٸك بايقاۋشىلار كٶپ قاتىسپايدى. بۇعان ەلەمدٸ جايلاعان كوروناۆيرۋس ٸندەتٸ سەبەپ بولىپ وتىرعانى بەلگٸلٸ. دەگەنمەن, قر ورتالىق سايلاۋ كوميسسيياسىنىڭ مەلٸمەتٸنشە, تٷركٸتٸلدەس مەملەكەتتەردٸڭ ىنتىماقتاستىق كەڭەسٸنەن 5 بايقاۋشى اككرەديتتەلگەن.
مۇنان بٶلەك, قر سٸم جانىندا اككرەديتتەلگەن شەتەلدٸك بۇقارالىق اقپارات قۇرالدارىنىڭ 143 ٶكٸلٸ سايلاۋ تۋرالى زاڭناماعا سەيكەس سايلاۋدى حالىقارالىق بايقاۋشىلارمەن تەڭ دەرەجەدە بايقاي الادى.
