QR Energetika ministrligi atom energetikasy jáne ónerkásibi departamentiniń direktory Jaslan Qasenov Qazaqstanda salynýy yqtimal atomdyq reaktordyń boljamdy qunyn atady, dep habarlaidy QazAqparat.
«Halyqaralyq tájiribe qýaty 1000-1200 MVt bolatyn bir atom-energetikalyq blok qurylysynyń quny shamamen 5 mlrd dollar bolatynyn kórsetip otyr. Bul shamalap aitylǵan soma. Qaitalap aitaiyn, halyqaralyq tájiribe osylai kórsetip otyr. AES qurlysynyń álemdik naryǵy osyndai baǵa kórsetip tur. Árine, budan anaǵurlym naqty somany stansa ornatatyn jetkizýshi kompaniiany anyqtap, kelissóz júrgizgen kezde ǵana aitýǵa bolady. Óitkeni AES quny kóptegen faktorlarǵa bailanysty», - dedi ministrlik ókili.
Mamannyń aitýynsha, ázirge bul joba qandai kózden qarjylandyrylatyny da belgisiz.
«Qarjylandyrý kózi de kelissózder kezinde naqtylanady. Buǵan deiin de aitqanymdai, bul jobaǵa aqsha tartýdyń túrli tetikteri bar», - dedi Jaslan Qasenov.
