- Qazaqstanda salafiler sany kemip keledi. Bul týraly Ortalyq kommýnikatsiialar qyzmetindegi brifingte elimizdiń Din isteri jáne azamattyq qoǵam ministri Nurlan Ermekbaev málim etti, dep habarlaidy Ult.kz tilshisi QazAqparat agenttigine silteme jasap.
«Qazirgi ýaqytta salafizmdi ustanýshylardyń sany azaiyp kele jatqandyǵy baiqalady jáne olardyń Qazaqstanda uiymdasqan qurylymy joq. Bizdiń munan arǵy jumysymyz salafizm ideologiiasyn nasihattaityn internet-saittardyń, ádebietterdiń taralýyna jol bermeýge baǵyttalatyn bolady», - dedi Ermekbaev.
Onyń aitýynsha, qazirgi zamanǵy qazaqstandyq qoǵam salafizm aǵymynyń taralýyna zańmen shekteý qoiýsyz-aq tosqaýyl bola alady. Degenmen ol úshin bul iste búkil qoǵam jumyla áreketke barýy qajet.
«Búgingi kúni islam áleminde salafizm ideiasy bedeldi din qairatkerleri men aldyńǵy qatarly islam oishyldary ókilderi tarabynan synǵa ushyraýda», - dedi ministr.
.jpeg)