QR IIM Ákimshilik politsiia komiteti tóraǵasynyń orynbasary Serik Túsipov Qazaqstanda róli oń jaqta ornalasqan kólikterge nelikten tyiym salynǵanyn túsindirip berdi, dep habarlaidy QazAqparat.
«Armeniiadan ákelingen kólikti tirkeý quny - 11 940 teńge. Oǵan tirkeý jinaǵy úshin qosylatyn 695 teńge, tehnikalyq qujat úshin 3473 teńge, memlekettik nómir úshin 7778 teńge tóleý kerek. Ákelingen kólikter Armeniianyń jaýapty organdarynyń esebinde turǵandyqtan olardy Qazaqstanǵa tirkeý kezinde olarǵa sary tústi memlekettik tirkeý nómiri beriledi. Mundai nómirler – basqa memlekette turaqty tirkeýi bar kólikterge beriledi. Sonymen qatar kólik iesiniń turyp jatqan oblystyń kodymen tapsyrylady», - dedi ol OKQ-da «QR azamattary Armeniiadan ákelgen avtomobilderdi tirkeý týraly» taqyrybynda ótken baspasóz máslihatynda.
IIM ókiliniń aitýynsha, rýli oń jaqtaǵy kólikter tirkelmeidi. Sebebi mundai sanattaǵy kólikterge qatysty shekteý Qazaqstanda 2009 jyldan beri bar.
«Rýli oń jaqta ornalasqan kólikterge tyiym – jol júrý erejesi zańymen jáne kedendik odaqtyń tehnikalyq reglamentimen retteledi. Bul tyiym Armeniiamen birge ózge memleketterden keletin kólikterge qatysty. Rýli oń jaqtaǵy kólikter áý basta jol erekshelikterine bailanysty Japoniia, Ulybritaniia elderinde ruqsat etilgen. Mundai kóliktermen bizdiń elde júrý yńǵaisyzdyq týyndatady. Máselen, ondai kólikter aldyndaǵy kólikten ozǵysy keletin jaǵdaida júrgizýshi qarsy kele jatqan kólikterdi baiqamai qalýy múmkin», - dedi ol.
