Túrik bankteri "Mir" kartalaryn qabyldaýdy toqtatqannan keiin, basqa elderdiń nesie uiymdary da reseilik tólem júiesimen jumysyn toqtatatynyn málimdegen, - dep habarlaidy Tengrinews.kz agenttigi "Izvestiia" basylymyna silteme jasap.
Halyq bankiniń bailanys ortalyǵy basylymǵa reseilik kartalarǵa terminaldar arqyly da, bankomattar arqyly da qyzmet kórsetilmeitinin aitqan.
Reseilik "Mir" tólem júiesiniń kartalary endi vetnamdyq BIDV-de qabyldanbaidy. Bank qyzmetkeriniń aitýynsha, BIDV VISA, Mastercard, Western Union, JCB, UnionPay kartalaryna qyzmet kórsetýdi jalǵastyrady, biraq "Mir" tólem júiesi bul tizimde joq.
Reseidiń Ortalyq banki sheteldik seriktester "Mir" kartalaryn qabyldaý, qabyldamaýdy ózderi sheshedi dep jaýap berdi. Biraq ulttyq kartalardy qabyldaý geografiiasyn keńeitý boiynsha dialogty jalǵastyrýǵa nietti.
20 qyrkúiekte "Mir" tólem júiesiniń saitynda kartalardy qabyldaý geografiiasy týraly jazylatyn bólim jabylǵany atap ótildi. Ulttyq tólem kartochkalary júiesiniń 2022 jylǵy 20 sáýirdegi habarlamasynda "plastik" segiz elde, sonyń ishinde Qazaqstanda qabyldanatyny jazylǵan bolatyn.
