تٷرٸك بانكتەرٸ "مير" كارتالارىن قابىلداۋدى توقتاتقاننان كەيٸن, باسقا ەلدەردٸڭ نەسيە ۇيىمدارى دا رەسەيلٸك تٶلەم جٷيەسٸمەن جۇمىسىن توقتاتاتىنىن مەلٸمدەگەن, - دەپ حابارلايدى Tengrinews.kz اگەنتتٸگٸ "يزۆەستييا" باسىلىمىنا سٸلتەمە جاساپ.
حالىق بانكٸنٸڭ بايلانىس ورتالىعى باسىلىمعا رەسەيلٸك كارتالارعا تەرمينالدار ارقىلى دا, بانكوماتتار ارقىلى دا قىزمەت كٶرسەتٸلمەيتٸنٸن ايتقان.
رەسەيلٸك "مير" تٶلەم جٷيەسٸنٸڭ كارتالارى ەندٸ ۆەتنامدىق BIDV-دە قابىلدانبايدى. بانك قىزمەتكەرٸنٸڭ ايتۋىنشا, BIDV VISA, Mastercard, Western Union, JCB, UnionPay كارتالارىنا قىزمەت كٶرسەتۋدٸ جالعاستىرادى, بٸراق "مير" تٶلەم جٷيەسٸ بۇل تٸزٸمدە جوق.
رەسەيدٸڭ ورتالىق بانكٸ شەتەلدٸك سەرٸكتەستەر "مير" كارتالارىن قابىلداۋ, قابىلداماۋدى ٶزدەرٸ شەشەدٸ دەپ جاۋاپ بەردٸ. بٸراق ۇلتتىق كارتالاردى قابىلداۋ گەوگرافيياسىن كەڭەيتۋ بويىنشا ديالوگتى جالعاستىرۋعا نيەتتٸ.
20 قىركٷيەكتە "مير" تٶلەم جٷيەسٸنٸڭ سايتىندا كارتالاردى قابىلداۋ گەوگرافيياسى تۋرالى جازىلاتىن بٶلٸم جابىلعانى اتاپ ٶتٸلدٸ. ۇلتتىق تٶلەم كارتوچكالارى جٷيەسٸنٸڭ 2022 جىلعى 20 سەۋٸردەگٸ حابارلاماسىندا "پلاستيك" سەگٸز ەلدە, سونىڭ ٸشٸندە قازاقستاندا قابىلداناتىنى جازىلعان بولاتىن.
