Qnet kompaniiasyna qatysty qylmystyq is tergelip jatyr. Bul týraly Almaty qalalyq Politsiia departamenti basshysynyń orynbasary Rýstam Ábdirahmanov aitty, - dep habarlaidy Tengrinews.kz agenttigi.
"Halyqqa aqparat berý maqsatynda Qnet kompaniiasynyń qyzmetine qatysty QR Qylmystyq kodeksi 217-baby ("Qarjylyq (investitsiialyq) piramidany qurý jáne oǵan basshylyq etý") boiynsha Almaty qalasy PD Sotaldy tergep-tekserýlerdiń biryńǵai tizilimine tirkelgen qylmystyq is tergelip jatqanyn habarlaimyn", - dep jazdy ol Telegram-kanalynda.
Rýstam Ábdirahmanovtyń málimetinshe, tergeý barysy QR Bas prokýratýrasy, Ishki ister ministrligi, Almaty qalasy prokýratýrasy men Politsiia departamenti basshylyǵynyń erekshe baqylaýynda, jedel izdestirý sharalary júrgizilip jatyr.
"Qnet QR zańnamasynyń talaptaryna sáikes kásipkerlik qyzmet júrgizbeidi, kompaniianyń banktik jáne investitsiialyq qyzmetti júzege asyrýǵa litsenziialary men ózge de ruqsat qujattary, sondai-aq bank operatsiialary joq.
Halyqtan qyraǵy bolýyn jáne qarjy resýrstaryn investitsiialaýdy qadaǵalaýdy suraimyn. Quqyq qorǵaý organdaryna Qnet kompaniiasy materialdyq shyǵyn keltirgeni týraly aryzben 220-dan asa adam júgingen", - dedi Almaty PD basshysynyń orynbasary.
