Otandyq QazVac vaktsinasyn qazaqstandyqtarǵa egý 26 sáýirde bastalady, dep habarlaidy "Ult aqparat".
Búgin COVID-19-ǵa qarsy qazaqstandyq QazVac (QazCovid-in) vaktsinasynyń alǵashqy partiiasy jóneltildi.
QazVac vaktsinasynyń birinshi 50 myń dozasy «SQ-Farmatsiianyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoimalaryna jetkiziledi.
«Biylǵy jyldyń 26 sáýirinde halyqty QazVac vaktsinasymen vaktsinatsiialaý bastalady. Mamyr aiynda 50 myń doza kólemindegi vaktsinanyń kezekti partiiasyn shyǵarý josparlanyp otyr. Budan ári vaktsina óndirisi kezeń-kezeńmen aiyna 500-600 myń dozaǵa deiin ulǵaitylady», delingen habarlamada.
«Qazaqstandyq vaktsinany ázirleý bizdiń elge koronavirýstyq infektsiiaǵa qarsy óz vaktsinasyn ázirlegen álemniń bes eliniń qataryna kirýge múmkindik berdi. Bul halyq densaýlyǵyna ǵana qatysty másele emes. Bul biofarmatsevtikada is júzinde zamanaýi tehnologiialardy qoldaný men otandyq ǵylym áleýetiniń aiǵaǵy bolyp, memleket bedelin aishyqtap tur», - dedi komissiia tóraǵasy, úkimet basshysynyń orynbasary Eraly Toǵjanov.
Vitse-premer memleket basshysynyń qazaqstandyq vaktsina óndirisi boiynsha barlyq tapsyrmasy úkimettiń jiti baqylaýynda ekenin atap ótti. Alǵashqy partiianyń shyǵarylýy sol tapsyrmalardyń júzege asyp jatqanynyń dáleli bolyp otyr.
Eske sala ketsek, búgin QR Premer-Ministriniń orynbasary Eraly Toǵjanov Biologiialyq qaýipsizdik problemalary ǵylymi-zertteý institýtynda óndirilgen QazVac (QazCovid-in) qazaqstandyq vaktsinasynyń birinshi partiiasyn jóneltýge qatysty.
Otandyq vaktsina Dúniejúzilik densaýlyq saqtaý uiymynyń tizilimine engizilgen. QazVac vaktsinasyn jetkizý ádisteri kúrdeli tońazytqysh qondyrǵylaryn talap etpeidi, olar tońazytqyshta pliýs 2-8 gradýs temperatýrada tasymaldanady.
