Qazaqstandyqtardyń pasporty eGov mobile qosymshasynda elektrondy túrde qoljetimdi boldy. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Telegram arnasynda málim etti, dep habarlaidy "Ult aqparat".
«Tsifrlyq qujattar» - eGov Mobile qosymshasyndaǵy tanymal servisterdiń biri.
Búgingi tańda qajetti qujatyńyzdyń túpnusqasy bolmaǵan kezde smartfon arqyly sandyq qujatty paidalaný óte yńǵaily. Tsifrlyq kýálikti qoldaný tiimdiligin kórsetken soń, biz pasportty da tsifrlyq formatqa aýdarýdy sheshtik. Endi tsifrlyq pasport eGov Mobile mobildi qosymshasynda qol jetimdi.
Ázirge tsifrlyq pasportty jeke basyn sáikestendirý úshin Qazaqstan aýmaǵynda ǵana paidalanýǵa bolady. Mundai qajettilik, mysaly, kýáliktiń joǵalýy nemese onyń jaramdylyq merzimi aiaqtalǵan jaǵdaida týyndaýy múmkin.
Esterińizge sala keteiin, búgingi kúni pasporttan basqa eń kóp suranysqa ie 18 qujat tsifrlyq formatqa kóshirildi. Bul - jeke kýálik, júrgizýshi kýáligi, PTR-testter, týý jáne neke týraly kýálik jáne t. b.» - dep jazdy ministr.
