Qazaqstan aýyl sharýashylyǵy ministrligi AÓK memlekettik inspektsiia komiteti Ózbekstan aýmaǵynan qara órik ákelýge tyiym salý túrinde ýaqytsha karantindik fitosanitarlyq sharalar engizdi, dep habarlady AShM baspasóz qyzmeti.
Mundai sheshimge Ózbekstannan kelgen qara órik jemisinen karantindik obektilerdiń jii anyqtalýy sebep boldy.
2020 jyldyń 24 shildesinen 1 tamyzyna deiin ósimdikter karantini salasyndaǵy zańnama 18 ret buzylǵan, onyń ishinde 3 jaǵdaida jemisterde Shyǵys kóbelegi (Grapholitha tolesta Busck), bir jaǵdaida Komstok qurttary (Pseudoccus comstocki (Kuwana) tabyldy.
Shekteý sharalary Qazaqstan aýmaǵynda qolaily fitosanitariialyq jaǵdaidy qamtamasyz etý maqsatynda engizildi.
Shyǵys jemisi qaýipti karantindik ziiankes sanalady. Shabdaly, órik, alma, nektarin, qara órik, aiva, almurt, shie, lavr, badamnyń ósindileri men jemisterine 90% deiin ziian keltirýi múmkin.
Kemirgish qurt butaqty keptirip, japyraqtardy, ósimdik jemisterin sarǵaityp jiberedi. Jemistiń sapasy nasharlai túsedi.
