قازاقستان اۋىل شارۋاشىلىعى مينيسترلٸگٸ اٶك مەملەكەتتٸك ينسپەكتسييا كوميتەتٸ ٶزبەكستان اۋماعىنان قارا ٶرٸك ەكەلۋگە تىيىم سالۋ تٷرٸندە ۋاقىتشا كارانتيندٸك فيتوسانيتارلىق شارالار ەنگٸزدٸ, دەپ حابارلادى اشم باسپاسٶز قىزمەتٸ.
مۇنداي شەشٸمگە ٶزبەكستاننان كەلگەن قارا ٶرٸك جەمٸسٸنەن كارانتيندٸك وبەكتٸلەردٸڭ جيٸ انىقتالۋى سەبەپ بولدى.
2020 جىلدىڭ 24 شٸلدەسٸنەن 1 تامىزىنا دەيٸن ٶسٸمدٸكتەر كارانتينٸ سالاسىنداعى زاڭناما 18 رەت بۇزىلعان, ونىڭ ٸشٸندە 3 جاعدايدا جەمٸستەردە شىعىس كٶبەلەگٸ (Grapholitha tolesta Busck), بٸر جاعدايدا كومستوك قۇرتتارى (Pseudoccus comstocki (Kuwana) تابىلدى.
شەكتەۋ شارالارى قازاقستان اۋماعىندا قولايلى فيتوسانيتارييالىق جاعدايدى قامتاماسىز ەتۋ ماقساتىندا ەنگٸزٸلدٸ.
شىعىس جەمٸسٸ قاۋٸپتٸ كارانتيندٸك زييانكەس سانالادى. شابدالى, ٶرٸك, الما, نەكتارين, قارا ٶرٸك, ايۆا, المۇرت, شيە, لاۆر, بادامنىڭ ٶسٸندٸلەرٸ مەن جەمٸستەرٸنە 90% دەيٸن زييان كەلتٸرۋٸ مٷمكٸن.
كەمٸرگٸش قۇرت بۇتاقتى كەپتٸرٸپ, جاپىراقتاردى, ٶسٸمدٸك جەمٸستەرٸن سارعايتىپ جٸبەرەدٸ. جەمٸستٸڭ ساپاسى ناشارلاي تٷسەدٸ.
