Endi múlikti sońǵy ótkizgen sot oryndaýshy basqa sot oryndaýshylary salǵan barlyq tyiymnyń kúshin joiady dep habarlaidy QR Ádilet ministrliginiń baspasóz qyzmeti.
27 maýsymda Qazaqstan Respýblikasynyń Prezidenti «Qazaqstan Respýblikasynyń keibir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boiynsha ózgerister men tolyqtyrýlar engizý týraly» Zańǵa qol qoidy.
«Boryshkerdiń múlkine ártúrli atqarýshylyq is júrgizý sheńberinde eki jáne odan da kóp sot oryndaýshylary tyiym salýy múmkin. Buryn mundai jaǵdailarda adal satyp alýshy árbir sot oryndaýshysyna óziniń tyiym salýlaryn alýy úshin júginýge týra keletin. Keide sot oryndaýshylary bas tartyp, satyp alýshy sotqa júginýge májbúr bolatyn. Engizilgen jańa túzetýlerge sáikes múlikti saýda-sattyqta ótkizgen sot oryndaýshysy osyndai múlikten barlyq tyiym salýlardy, sonyń ishinde basqa sot oryndaýshylarynyń tyiym salýlaryn da joiýǵa mindetti» dep málim etti ministrlikten.
Aita ketý kerek, tyiym salynǵan múlikti satý úshin Biryńǵai elektrondyq saýda alańy arqyly 2020 jyldyń I jartyjyldyǵynda 25 495 676 920 teńge somasyna 1530 lot satyldy, al 2019 jyldyń osyndai kezeńinde jalpy somasy 18 423 227 050 teńgeni quraityn 1415 lot satyldy.
Esterińizge sala keteiik, zań alǵash resmi jariialanǵan kúninen keiin on kúntizbelik kún ótken soń 2020 jyldyń 8 shildesinde kúshine endi.
