1 qarasha kúni Qazaqstanda 442 adamnyń koronavirýs infektsiiasyn juqtyrǵany anyqtaldy. Olardyń bárinde PTR testiniń nátijesi oń shyqqan. Infektsiia juqtyrǵandardyń jartysyna jýyǵy Shyǵys Qazaqstan oblysynyń úlesinde. Munda jeksenbi kúni 245 adamnan koronavirýs anyqtalǵan.
Aimaqtar boiynsha:
Nur-Sultan qalasy - 28
Almaty qalasy - 21
Aqmola oblysy - 27
Aqtóbe oblysy - 4
Almaty oblysy - 2
Atyraý oblysy - 3
Shyǵys Qazaqstan oblysy - 245
Jambyl oblysy - 3
Batys Qazaqstan oblysy - 13
Qaraǵandy oblysy - 16
Qostanai oblysy - 13
Mańǵystaý oblysy - 2
Pavlodar oblysy - 30
Soltústik Qazaqstan oblysy - 35
Osyǵan deiin Shyǵys Qazaqstan oblysynda naýqastar sanynyń kúrt kóbeiýiniń sebebin túsindirgen jergilikti densaýlyq saqtaý basqarmasy oǵan jurttyń sanitarlyq talaptardy saqtamaýy, oblys aýmaǵynda ary-beri júrgen jolaýshylardyń kóptigi sebep bolyp otyr dep málimdegen.
Elde virýs juqtyrǵany Covid testimen rastalǵan naýqastar sany 112 860 boldy: 106 myńnan astamy jazylǵan, 1852-i qaitys bolǵan. Bul statistikaǵa koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmegen.
Diagnozy tek aýrý belgileri boiynsha qoiylatyn koronavirýs pnevmoniiasy 1 tamyzdan beri 38 myńǵa jýyq adamnan anyqtalǵan, 402 adam qaitys bolǵan. Úkimet koronavirýs pnevmoniiasy dereginiń aimaq boiynsha bólinisin júieli túrde jariialamaidy.
