Qazaqstanda 21 qańtarda PTR testi oń shyqqan 1 430 adam tirkeldi. 96 adamnyń koronavirýs pnevmoniiasyna shaldyqqany anyqtalǵan. Bul týraly densaýlyq saqtaý ministrliginiń 22 qańtar kúngi habarlamasynda jazylǵan. Ótken táýlikte 13 adam ólimi tirkelgen: 11 naýqas - koronavirýstan, 2 adam koronavirýs pnevmoniiasynan qaitys bolǵany habarlandy.
Densaýlyq saqtaý ministrliginiń málimetinshe, Qazaqstanda naýryz aiynan beri 173 412 adamnyń PTR testi oń shyqqan. 157 myńnan astamy jazylǵan. 2 457 adam koronavirýs qaitys bolǵan.
Qazaqstan biligi 1 tamyzdan beri pnevmoniianyń Covid-ke uqsas túrine jeke kod berip, bólek tirkep keledi. Sodan beri 47 211 adam koronavirýs pnevmoniiasyna shaldyqqan. 549 adam qaitys bolǵan. 35 myńǵa jýyǵy jazylǵan.
Aimaqtaǵy pnevmoniia ahýalyna bailanysty statistikany bilik óte sirek jariialaidy. Biraq PTR testi oń shyqqan naýqastar týraly kún saiynǵy málimet indettiń barlyq aimaqta órshigenin kórsetedi. 21 qańtarda Nur-Sultan qalasynda - 231, Pavlodar oblysynda - 235, Almatyda - 130, Aqmola oblysynda - 163, Atyraý oblysynda - 111, Almaty oblysynda - 78, Soltústik Qazaqstan oblysynda - 91, Qaraǵandy oblysynda - 75, Qostanai oblysynda - 125, Batys Qazaqstan oblysynda - 61, Shyǵys Qazaqstan oblysynda - 41, Jambyl oblysynda - 19, Túrkistan oblysynda - 13, Mańǵystaý oblysynda - 16, Shymkent qalasynda - 14, Aqtóbe oblysynda - 17, Qyzylorda oblysynda 10 adamnan koronavirýs anyqtalǵan.
Qazir 25 469 adam koronavirýstan emdelip jatyr. 13 788-iniń PTR-testi oń shyqqan. 291 adamnyń jaǵdaiy aýyr, 50 naýqastyń háli óte aýyr. 39 adam jasandy tynys apparatyna qosylǵan.
Djons Hopkins ýniversitetiniń málimetinshe, álemde Covid-ke shaldyqqan adam sany 97,4 millionnan asty. 2 mln 88 myńnan astam naýqas qaitys boldy. 53,6 millionnnan astamy aýrýdan jazylǵan.
