Qazaqstanda halyqtyń turǵyn úi máselesin sheshý maqsatynda «Otbasy bank» qurylady. Bul týraly tótenshe jaǵdaidy qamtamasyz etý boiynsha memlekettik komissiia otyrysynda Memleket basshysy Qasym-Jomart Toqaev málim etti, dep habarlaidy "Ult aqparat".
«Úkimet jyl sońyna deiin «Turǵyn úi jinaq banki» negizinde turǵyn úidi bólip berip otyrý, esep júrgizý jumystaryn ortalyqtandyratyn tolyqqandy damý jáne qoldaý institýtyn - «Otbasy bank» qurý kerek», - dedi Memleket basshysy.
Bul salany júieli túrde ózgertý jumysy kútip tur. Osylaisha azamattar óziniń zeinetaqysynyń bir bóligin turǵyn úi jaǵdaiyn jaqsartýǵa baǵyttai alady.
«Men buryn mundai tapsyrma bergenmin. Biraq TJ rejimine bailanysty bul jumysty talqylaý sozylyp ketti. Sheshim qabyldaityn ýaqyt jetti. Úkimet 1 shildege deiin óz amal-ádisterin aiqyndaýy kerek», - dedi Toqaev.
