Aqtóbedegi avtobýs órti kezinde kóz jumǵan Ózbekstan azamattarynyń máiitteri Tashkentke jetkizildi. Bul týraly «QazAqparat» Ózbekstan Respýblikasy TJM saityna silteme jasap habarlaidy.
Ózbekstan Respýblikasy TJM daǵdarysty jaǵdaidy basqarý ortalyǵynyń málimetterine qaraǵanda, 19 qańtarda saǵat 22.23-te Qazaqstandaǵy Aqtóbe aýdanynda avtobýsta shyqqan órt saldarynan qaza tapqan 52 azamattyń denesin alyp kelgen Ózbekstan Respýblikasy ÁQK-nyń «Il-76» arnaiy áskeri-kólik ushaǵy «Tashkent-Shyǵys» áýe ailaǵyna qondy.
Qazirgi tańda olardyń jeke basyn anyqtaý jumystary júrgizilip jatyr.
Ózbekstan Respýblikasy TJM órtten qaza bolǵandardyń aldyn ala tizimin jariialady.
Aita keteiik, 18 qańtar kúni tańerteń Samara-Shymkent tasjolynda jol apaty bolyp, jolaýshylarǵa toly avtobýs janyp ketti. Órt kezinde 52 adam qaza bolyp, 5 adamdy kúiik shaldy. Qazir kúiik shalyp, gazǵa ýlanǵandar Aqtóbe oblystyq jedel járdem aýrýhanasynda em qabyldap jatyr. Olardyń úsheýi Qazaqstan, ekeýi Ózbekstan azamaty.
