Foto: Pexels.com
2024 jyldyń tórtinshi toqsanynyń qorytyndysy boiynsha Qazaqstandaǵy ortasha jalaqy úsh aida 11,4% ósip, 434 982 teńge boldy, dep habarlaidy Stan.kz.
Ulttyq statistika biýrosy 2024 jyldyń tórtinshi toqsanyndaǵy Qazaqstandaǵy qyzmetkerlerdiń sany men jalaqysy týraly sońǵy aqparatty jariialady.
4-toqsanda qyzmetkerlerdiń naqty sany – 3,8 mln adam. Olarǵa úsh aida 4,9 trln teńge tólendi.
2024 jylǵy IV toqsanda medianalyq jalaqy – 308 717 teńge, al shaǵyn kásiporyndardy esepke almaǵanda ataýly jalaqy – 434 982 teńge. 2023 jylǵa qaraǵanda ósim 10,5%, naqty mánde – 1,8% ósti.
4-toqsanda jalaqy jyl qorytyndysy boiynsha beriletin qosymsha tólemder men merekelik syiaqylar esebinen kóbeiedi.
Qai salalarda ortasha jalaqy joǵary jáne tómen
Ortasha ailyq jalaqynyń eń joǵarǵy ósimi aqparat jáne bailanys salasynda baiqaldy, 2023 jylǵy tiisti toqsanmen salystyrǵanda 32,8%, aýyl, orman jáne balyq sharýashylyǵy 22,7%, jyljymaityn múlikpen operatsiialar – 20,3% kóbeidi. Densaýlyq saqtaý jáne halyqqa áleýmettik qyzmet kórsetý 7,6%, bilim berý salasynda ortasha ailyq jalaqy 5% ósti.
2024 jyldyń 4-toqsanynda eń joǵary ortasha jalaqy qarjy jáne saqtandyrý sektorynda tirkeldi – 943 931 teńge. Ekinshi orynda aqparat jáne bailanys – 798 337 teńge. Al úshinshi orynda kásiptik, ǵylymi-tehnikalyq qyzmet – 697 905 teńge. Odan keiingi orynda 618 523 teńge ortasha jalaqy – ónerkásip salasy.
Al eń tómen jalaqy: bilim berý – 311 298 teńge, óner, oiyn-saýyq jáne demalys – 300 790 teńge, sondai-aq aýyl, orman jáne balyq sharýashylyǵy – 297 092 teńge.
Qazaqstan óńirleri boiynsha ortasha jalaqy
Bir jylda ortasha ailyq ataýly jalaqy Almaty men Shymkentte eń kóp ósti. Almaty men Shymkentte –13,6%, Qaraǵandy oblysynda – 13,2%, Soltústik Qazaqstan oblysynda – 12,9% jáne Aqtóbe oblysynda – 12,6%.
Ortasha jalaqy boiynsha Atyraý (640 938 teńge) jáne Mańǵystaý (607 867 teńge) oblystary, sondai-aq Astana qalasy (604 104 teńge) kósh bastap tur.
Tórtinshi jáne besinshi oryndarda Ulytaý oblysy (600 682 teńge) men Almaty (539 125 teńge) qalalary tur. Shymkentte ortasha jalaqy – 330 193 teńge.
Al eń tómengi kórsetkishter Jetisý oblysynda (314 398 teńge), sondai-aq Jambyl (313 073 teńge) jáne Túrkistan (304 325 teńge) oblystarynda tirkeldi.
