فوتو: Pexels.com
2024 جىلدىڭ تٶرتٸنشٸ توقسانىنىڭ قورىتىندىسى بويىنشا قازاقستانداعى ورتاشا جالاقى ٷش ايدا 11,4% ٶسٸپ, 434 982 تەڭگە بولدى, دەپ حابارلايدى Stan.kz.
ۇلتتىق ستاتيستيكا بيۋروسى 2024 جىلدىڭ تٶرتٸنشٸ توقسانىنداعى قازاقستانداعى قىزمەتكەرلەردٸڭ سانى مەن جالاقىسى تۋرالى سوڭعى اقپاراتتى جارييالادى.
4-توقساندا قىزمەتكەرلەردٸڭ ناقتى سانى – 3,8 ملن ادام. ولارعا ٷش ايدا 4,9 ترلن تەڭگە تٶلەندٸ.
2024 جىلعى IV توقساندا مەديانالىق جالاقى – 308 717 تەڭگە, ال شاعىن كەسٸپورىنداردى ەسەپكە الماعاندا اتاۋلى جالاقى – 434 982 تەڭگە. 2023 جىلعا قاراعاندا ٶسٸم 10,5%, ناقتى مەندە – 1,8% ٶستٸ.
4-توقساندا جالاقى جىل قورىتىندىسى بويىنشا بەرٸلەتٸن قوسىمشا تٶلەمدەر مەن مەرەكەلٸك سىياقىلار ەسەبٸنەن كٶبەيەدٸ.
قاي سالالاردا ورتاشا جالاقى جوعارى جەنە تٶمەن
ورتاشا ايلىق جالاقىنىڭ ەڭ جوعارعى ٶسٸمٸ اقپارات جەنە بايلانىس سالاسىندا بايقالدى, 2023 جىلعى تيٸستٸ توقسانمەن سالىستىرعاندا 32,8%, اۋىل, ورمان جەنە بالىق شارۋاشىلىعى 22,7%, جىلجىمايتىن مٷلٸكپەن وپەراتسييالار – 20,3% كٶبەيدٸ. دەنساۋلىق ساقتاۋ جەنە حالىققا ەلەۋمەتتٸك قىزمەت كٶرسەتۋ 7,6%, بٸلٸم بەرۋ سالاسىندا ورتاشا ايلىق جالاقى 5% ٶستٸ.
2024 جىلدىڭ 4-توقسانىندا ەڭ جوعارى ورتاشا جالاقى قارجى جەنە ساقتاندىرۋ سەكتورىندا تٸركەلدٸ – 943 931 تەڭگە. ەكٸنشٸ ورىندا اقپارات جەنە بايلانىس – 798 337 تەڭگە. ال ٷشٸنشٸ ورىندا كەسٸپتٸك, عىلىمي-تەحنيكالىق قىزمەت – 697 905 تەڭگە. ودان كەيٸنگٸ ورىندا 618 523 تەڭگە ورتاشا جالاقى – ٶنەركەسٸپ سالاسى.
ال ەڭ تٶمەن جالاقى: بٸلٸم بەرۋ – 311 298 تەڭگە, ٶنەر, ويىن-ساۋىق جەنە دەمالىس – 300 790 تەڭگە, سونداي-اق اۋىل, ورمان جەنە بالىق شارۋاشىلىعى – 297 092 تەڭگە.
قازاقستان ٶڭٸرلەرٸ بويىنشا ورتاشا جالاقى
بٸر جىلدا ورتاشا ايلىق اتاۋلى جالاقى الماتى مەن شىمكەنتتە ەڭ كٶپ ٶستٸ. الماتى مەن شىمكەنتتە –13,6%, قاراعاندى وبلىسىندا – 13,2%, سولتٷستٸك قازاقستان وبلىسىندا – 12,9% جەنە اقتٶبە وبلىسىندا – 12,6%.
ورتاشا جالاقى بويىنشا اتىراۋ (640 938 تەڭگە) جەنە ماڭعىستاۋ (607 867 تەڭگە) وبلىستارى, سونداي-اق استانا قالاسى (604 104 تەڭگە) كٶش باستاپ تۇر.
تٶرتٸنشٸ جەنە بەسٸنشٸ ورىنداردا ۇلىتاۋ وبلىسى (600 682 تەڭگە) مەن الماتى (539 125 تەڭگە) قالالارى تۇر. شىمكەنتتە ورتاشا جالاقى – 330 193 تەڭگە.
ال ەڭ تٶمەنگٸ كٶرسەتكٸشتەر جەتٸسۋ وبلىسىندا (314 398 تەڭگە), سونداي-اق جامبىل (313 073 تەڭگە) جەنە تٷركٸستان (304 325 تەڭگە) وبلىستارىندا تٸركەلدٸ.
