Foto: QR ǴJBM
27 qyrkúiekte Qaskeleń qalasynda álemge áigili amerikalyq kino mektebi – New York Film Academy Kazakhstan resmi túrde ashyldy. Energo University men Dala Edge kreativti parki bazasynda qurylǵan jańa filial – Ortalyq Aziiadaǵy NYFA-nyń alǵashqy oqý orny, dep habarlaidy Ult.kz.
Saltanatty rásimge New York Film Academy prezidenti ári CEO-sy Maikl Iang, QR Ǵylym jáne joǵary bilim ministri Saiasat Nurbek, sondai-aq Almaty oblysynyń ákimi Marat Sultanǵaziev qatysty.
Ashylý sharasy kinematografiialyq stilde uiymdastyrylyp, qonaqtardy erekshe «semka dýbli» qoiylymymen qarsy aldy. Stýdentter men AQSh-tyń Almatydaǵy Bas konsýly Mishel Erkin sóz sóilep, jańa akademiianyń aimaq úshin mádeni jáne shyǵarmashylyq mańyzyn atap ótti.
Qonaqtar oqý ornynyń infraqurylymymen tanysyp, kitaphana, dárishanalar, dybys jazý jáne montaj stýdiialary, sondai-aq Dala Edge shyǵarmashylyq keńistigin aralady.
Kúnniń ekinshi jartysynda stýdentter úshin halyqaralyq deńgeidegi mamandardyń tájiribelik sheberlik sabaqtary ótti. Olardyń qatarynda rejisser Rob Petri, akter Mark Mochabi, AR tehnologiialary sarapshysy Kevin Keiton, prodiýser Maikl Hsiýe, klipmeiker Lado Kvataniia, qazaqstandyq prodiýser Qýanysh Beisek, stsenarist Gúljan Toktogýl, rejisser Bolat Aqnazar, VFX mamany Denis Vejnovets, stsenarister Sanat Shapashov pen Sergei Litovchenko, sondai-aq akter ári NYFA oqytýshysy Todd Brýno bar.
Kesh sońynda «CIS MEDIA MARKET TOMORROW: CHALLENGES, FOCUS, COMMUNITY» atty paneldik pikirtalas ótip, óńirlik media naryǵynyń bolashaǵy talqylandy.
New York Film Academy prezidenti Maikl Iang Qazaqstandaǵy jańa filialdyń ashylýyn úlken jetistik dep baǵalap, bul joba óńir talanttaryn jahandyq kino indýstriiasyna tanytatyn alań bolatynyn atap ótti.
