Aǵymdaǵy jyldyń alǵashqy eki aiynda Qazaqstanda munaidyń 11,6 mln tonnasy óndirildi, bul ótken jylǵy kórsetkishke qaraǵanda 13,2 paiyzǵa tómen, dep habarlaidy energyprom.kz saity.
Munai óndirý kólemin qysqartý OPEK+ kelisimderimen qarastyrylǵan. Bul kórsetkishkóp uzamai joǵarylaýy múmkin: 1 sáýirde OPEK+ elderi mamyr jáne maýsym ailarynda munai óndirý kólemin táýligine 350 myń barrelge, al shildede – táýligine 450 myń barrelge ósirýdi kelisti.
Óńirlik deńgeide eki aida eń kóp munai Atyraý oblysynda óndirilgen: 7,5 mln tonna, bul ótken jyldyń osyndai kezeńine qaraǵanda 16,1 paiyzǵa az.
Munai óndirýden úzdikter «úshtigine» kirgender arasynda sondai-aq Mańǵystaý (2,6 mln tonna ) jáne Aqtóbe oblystary (758 myń tonna) bar. Bul óńirlerde «Nort Kaspian Opereiting Kompani N. V.» filialy, «Teńizshevroil» JShS, «Embimunaigaz» AQ (Atyraý oblysy), «Qarajanbasmunai» AQ, «Mańǵystaýmunaigaz» AQ, «Qaraqudyqmunai» JShS (Mańǵystaý oblysy) jáne taǵy basqa kompaniialar jumys isteýde.
Jalpy alǵanda, 2020 jyldyń qańtar-jeltoqsan ailarynda kompaniialar munai óndirý kólemin 7,1 paiyzǵa, iaǵni 73 mln tonnaǵa qysqartqan.
