Syrtqy ister ministriniń orynbasary Roman Vasilenko "qyzdardy syndyrý" treninginiń avtory reseilik Aleks Leslige (shyn aty - Aleksandr Kirillov) qatysty vedomstvonyń ustanymyn aitty, - dep habarlaidy Tengrinews.kz.
"Keibir videolardy kórdim. Bul videolardyń haip qýý maqsatynda túsirilgeni kórinip tur. Ekinshiden, bul myrza qazir Qazaqstanda ony qazaqstandyqtar da, Úkimet te kútpeitinin jaqsy túsinedi", - dedi Vasilenko.
Aleks Lesli (shyn aty - Aleksandr Kirillov) - orystyń daýly "jazýshysy" jáne "syndyrý boiynsha" treninginiń avtory. Ol qylmystyq isterdiń figýranty retinde jáne BAQ-ta (Life.ru) priton qurýǵa qatysy da aitylǵan.
2018 jyly Tailandta seks-trening ótkizgeni úshin qamaýǵa alynǵan. Oǵan salyq tólemegeni, shetelde bolý rejimin buzǵany úshin aiyp taǵylǵan.
Aita keteiik, SIM ókilderi "Qazaq qyzdaryn syndyrý" kýrsyn ótkizbek bolǵan reseiliktiń sózin tekseretinin málimdegen bolatyn.
Sondai-aq, oǵan Qazaqstanǵa kirýge tyiym salynǵany habarlanǵan edi.
