Qazaqstanda 2019 jyldyń naýryzynda kommertsiialyq jyljymaityn múlikti jalǵa alý quny 2018 jyldyń jeltoqsanymen salystyrǵanda 0,2%, osy jyldyń qańtar-naýryzynda ótken jyldyń osy kezeńimen salystyrǵanda 0,3% artqan, dep habarlaidy "Ult aqparat" QR Ulttyq ekonomika ministrligi Statistika komitetine silteme jasap.
Osy jyldyń basynda óndiristik ǵimarattardy jalǵa alý quny 1,4%-ǵa, basqa da kommertsiialyq jyljymaityn múlikter - 0,8%-ǵa, parkingter - 0,3%-ǵa qymbattady. Ákimshilik-keńselik baǵyttaǵy, saýda jáne qoima ǵimarattarynyń arenda baǵasy 0,2%-ǵa artty. Óz kezeginde meiramhanalar men qoǵamdyq tamaqtaný oryndarynyń jalǵa alý quny ózgerissiz qalǵan.
Esepti kezeńde ónerkásip bazalarynda baǵa qatty kóterilgen - 2,2%. Bank bólimsheleri men óndiristik tsehtar - 1,1%-ǵa, fotosalondar 0,6%-ǵa joǵarylaǵan. Dúńgirshekter arendasy 1,8%-ǵa, fitnes klýbtar men jattyǵý zaldary 0,8%-ǵa arzandaǵan.
