Sýret: Freepik.com
Indýstriia jáne infraqurylymdyq damý ministrligi Qazaqstanda oń róldi kólikterdi ákelýge tyiym salý týraly joba daiyndady - dep habarlaidy Tengrinews.kz.
Buiryq jobasynda Qazaqstanǵa 6 ai merzimge oń róldi kólikterdi ákelýge tyiym salý kózdelgen. Tyiymnyń iske asyrylýyn baqylaýdy qamtamasyz etý jónindegi mindetterdi Qarjy ministrliginiń Memlekettik kirister komitetine UQK Shekara qyzmetimen birlesip jasaýyn júkteýdi josparlap otyr.
Joba 13 qyrkúiekke deiin jariia talqylaý úshin "Ashyq NQA" portalynda ornalastyrylǵan.
Aita keteiik, 2007 jyldan bastap Qazaqstanda oń róldi avtokólikterdi tirkeýge tyiym salynǵan, biraq olardy paidalanýǵa ruqsat.
2022 jyly jeltoqsanda 2022 jylǵy 1 qyrkúiekke deiin shekaradan ótken sheteldik oń róldi avtomobilderdi qazaqstandyq esepke qoiýǵa bolatyny belgili boldy. Sheteldik avtokólikterdi túrkeý rásimi biyl 1 shildege deiin sozyldy.
