Illiýstratsiia: Pixabay.com
Qazaqstanda resmi kirisi rastamalmaǵan jaǵdaida klientke nesie berýge tyiym salý josparlanyp otyr. Tiisti zań jobasy depýtattardyń bastamasymen ázirlendi, - dep habarlaidy Tengrinews.kz saity.
Ulttyq bank tóraǵasy Timýr Súleimenovtyń aitýynsha, zań jobasy qazaqstandyqtardyń qaryzdyq júktemesin azaitýǵa baǵyttalǵan túzetýlerdi qarastyrady.
"Sonymen qatar, qaryz alýshynyń tólem qabilettiligin baǵalaýdyń qoldanystaǵy tártibi, bizdiń oiymyzsha, qaita qaraýdy qajet etedi, óitkeni qazir qaryz alýshynyń kirisi tek resmi rastalǵan kirispen ǵana shektelmeidi", - delingen Súleimenovtiń depýtattyq saýalǵa bergen jaýabynda.
Tabys tiziminiń koeffitsientin esepteý kezinde erekshelikterdi qarastyrý qajet, dep esepteidi Ulttyq bank basshysy.
"Kez kelgen nesieni (kepilsiz, kepilmen, ipotekalyq nesieler, avtonesieler jáne t.b.) alý kezinde barlyq jeke qaryz alýshylar úshin boryshtyq júkteme koeffitsientin resmi rastalǵan kiris negizinde esepteý usynylady", - dedi ol.
Súleimenovtiń aitýynsha, resmi kiristi paidalaný qaryz alýshylarǵa qaryzdyq júktemeni azaitýǵa múmkindik beredi, sonymen qatar jumysshylardyń jalaqysyn resmi túrde kóbirek alýǵa umtylýyna áleýetti yqpal etedi.
