Qazaqstandyqtardyń naqty jalaqysy qatarynan úshinshi jyl tómendep otyr. Halykfinance eńbek naryǵyndaǵy qazirgi jaǵdaiǵa jasalǵan taldaýdy jariialady, dep jazady sputniknews.kz.
"Ekonomika baiaý bolsa da ósip jatqanyna qaramastan, naqty jalaqy kólemine qatysty jaǵdai kúrdeli kúiinde qalyp otyr, ol qatarynan úshinshi jyl tómendedi. 2017 jyldyń alǵashqy úsh toqsanynda shamamen ortasha 2%-ǵa azaidy. Bizdiń pikirimizshe, 2018 jyly naqty jalaqynyń tómendeýi 0,5%-ǵa deiin álsireidi. Eńbekaqynyń edáýir jyldam qalpyna kelýine munai baǵasynyń arzan bolýy, qarjy naryǵyndaǵy qatań talaptar, memlekettiń ekonomikaǵa qomaqty qarjy salýdan birte-birte ketýi jáne jeke sektordyń baiaý damýy kedergi keltirip otyr", — dep jazǵan baiandamanyń avtory.
Taldaýshylardyń pikirinshe, jumyspen qamtylǵan halyqtyń tek 70%-y zeinetaqy jinaǵyn aýdarady. Sonymen birge, qansha adam ortashadan tómen jalaqy alatyny da belgili boldy.
"Jalaqy kólemi boiynsha málimetter jumyspen qamtylǵan tórt adamnyń úsheýge jýyǵy 144 myń teńgege teńestirilgen ortasha jalaqydan tómen alǵanyn kórsetip otyr", — dep atap ótti mamandar.
Mysaly, aýyl sharýashylyǵyndaǵy qyzmetkerlerdiń 90%-y 150 myń teńgeden az jalaqy alǵan. Saýda, bilim, memlekettik basqarý salalarynda jalaqyǵa qatysty jaǵdai birshama jaqsy.
