قازاقستاندىقتاردىڭ ناقتى جالاقىسى قاتارىنان ٷشٸنشٸ جىل تٶمەندەپ وتىر. Halykfinance ەڭبەك نارىعىنداعى قازٸرگٸ جاعدايعا جاسالعان تالداۋدى جارييالادى, دەپ جازادى sputniknews.kz.
"ەكونوميكا باياۋ بولسا دا ٶسٸپ جاتقانىنا قاراماستان, ناقتى جالاقى كٶلەمٸنە قاتىستى جاعداي كٷردەلٸ كٷيٸندە قالىپ وتىر, ول قاتارىنان ٷشٸنشٸ جىل تٶمەندەدٸ. 2017 جىلدىڭ العاشقى ٷش توقسانىندا شامامەن ورتاشا 2%-عا ازايدى. بٸزدٸڭ پٸكٸرٸمٸزشە, 2018 جىلى ناقتى جالاقىنىڭ تٶمەندەۋٸ 0,5%-عا دەيٸن ەلسٸرەيدٸ. ەڭبەكاقىنىڭ ەدەۋٸر جىلدام قالپىنا كەلۋٸنە مۇناي باعاسىنىڭ ارزان بولۋى, قارجى نارىعىنداعى قاتاڭ تالاپتار, مەملەكەتتٸڭ ەكونوميكاعا قوماقتى قارجى سالۋدان بٸرتە-بٸرتە كەتۋٸ جەنە جەكە سەكتوردىڭ باياۋ دامۋى كەدەرگٸ كەلتٸرٸپ وتىر", — دەپ جازعان باياندامانىڭ اۆتورى.
تالداۋشىلاردىڭ پٸكٸرٸنشە, جۇمىسپەن قامتىلعان حالىقتىڭ تەك 70%-ى زەينەتاقى جيناعىن اۋدارادى. سونىمەن بٸرگە, قانشا ادام ورتاشادان تٶمەن جالاقى الاتىنى دا بەلگٸلٸ بولدى.
"جالاقى كٶلەمٸ بويىنشا مەلٸمەتتەر جۇمىسپەن قامتىلعان تٶرت ادامنىڭ ٷشەۋگە جۋىعى 144 مىڭ تەڭگەگە تەڭەستٸرٸلگەن ورتاشا جالاقىدان تٶمەن العانىن كٶرسەتٸپ وتىر", — دەپ اتاپ ٶتتٸ ماماندار.
مىسالى, اۋىل شارۋاشىلىعىنداعى قىزمەتكەرلەردٸڭ 90%-ى 150 مىڭ تەڭگەدەن از جالاقى العان. ساۋدا, بٸلٸم, مەملەكەتتٸك باسقارۋ سالالارىندا جالاقىعا قاتىستى جاعداي بٸرشاما جاقسى.
