«Qazaqstandyq memlekettik-jeke menshik áriptestik ortalyǵy» AQ vitse-prezidenti Talǵat Tursynbaev MJÁ aiasynda biyl qandai maqsat kózdelip otyrǵanyn aityp berdi, dep habarlaidy "Ult aqparat".
«Qazirgi ýaqytta josparlanyp jatqan jobalar sany 400-den asady. Biraq bul jobalardyń barlyǵyn dál biyl júzege asyramyz degen josparymyz joq. Ekinshiden, aldymyzda MJÁ tetigin odan ári damytý mindeti tur. Bul – óte úlken másele. Munyń bir tusy tsifrlandyrý bolsa, ekinshi jaǵy – jobalardy josparlaý satysyndaǵy sarapshylardyń jasap jatqan qyzmetiniń sapasyn kóterý. Úshinshi másele – atqarylǵan jobalardy pandemiiadan keiin qaita qarastyrý, keibir jobalardyń ári qarai júzege asyrylýynyń tiimdiligin saraptaý. Bul – kúrdeli protsess, saraptaý barysynda jaǵdai kelisimshartty buzýǵa deiin jetýi múmkin», - deidi Talǵat Tursynbaev Úkimettiń baspasóz qyzmetiniń mamanyna bergen suhbatynda.
Onyń aitýynsha, pandemiiaǵa deiin ózekti bolǵan kóptegen máselege qazirgi ekonomikalyq jaǵdaida biýdjetten aqsha bólý qanshalyqty tiimdi ekeni qarastyrylady.
