Qazaqstanda dúniege kelgen ózge el azamattarynyń balalaryna týý týraly kýálik beriledi. Bul týraly QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Esenǵazy Imanǵaliev aitty, dep habarlaidy QazAqparat.
Onyń aitýynsha, Qazaqstannyń meditsina mekemelerinde dúniege kelgen ár nárestege, iaǵni anasynyń mártebesine qaramastan, týý týraly kýálik beriledi.
Atap aitqanda, kóshi-qon protsesterinde balalar quqyǵyn qorǵaý boiynsha úsh jyldyq baǵdarlama aiasynda 1 myńnan astam jetkinshek týý týraly qujat alyp, olarǵa bilim berý ári áleýmettik qyzmetter boiynsha jaǵdai jasaldy.
E. Imanǵalievtiń paiymynsha, kóshi-qon protsesterinde qamtylǵan balalar úshin qolaily jaǵdai jasaý boiynsha jumystardy jalǵastyrý kerek.
«Kóshi-qon boiynsha qamtylǵan balalardyń máselesi ákimshilik problemalarǵa qatysty bolyp tur. Bul rette turǵylyqty jeri boiynsha tirkelmeýi, Qazaqstanda eńbek migranty retinde ata-anasynyń mártebesiniń rettelmeýi, sondai-aq azamattyǵynyń bolmaýy máselesi bar», - dedi ol Ortalyq kommýnikatsiialar qyzmetindegi dóńgelek ústel otyrysynda.
