Qazaqstan Qarýly Kúshterinde Mi-8 úlgisindegi tikushaqtardyń qoldanysy toqtatyldy. Bul týraly Qorǵanys ministrliginiń baspasóz qyzmeti málim etti, dep habarlaidy "Ult aqparat".
«QR Qorǵanys ministri general-maior Nurlan Ermekbaevtyń tapsyrmasy boiynsha Mi-8 úlgisindegi armiialyq aviatsiiany qoldana otyryp, arnaiy bólimshelerdiń «Altyn jebe» keshendi tekserisiniń qorytyndy kezeńin ótkizý toqtatyldy. Shekteýler aviatsiialyq apattyń sebepteri anyqtalǵansha jáne birtipti áýe kemelerinde olardy boldyrmaý jóninde keshendi aldyn alý sharalary ótkizilgenge deiin engizildi», - delingen habarlamada.
Eske sala ketsek, QR IIM TJK baspasóz qyzmeti buǵan deiin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys ministrliginiń aqparatyna sáikes, atalǵan tikushaq 4 birdei áskeri tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaiy bólimshelerdiń «Altyn jebe» keshendi oqý jáne jattyǵý aiasynda qarańǵyda ári kúrdeli meteorologiialyq jaǵdaida júrgizilgen.
Tikushaqta bolǵan 13 adam qaza tapty.
