Qazaqstanda meningitpen aýrý kórsetkishi tómendei bastady, dep habarlaidy QazAqparat tilshisi.
Bul týraly Ortalyq kommýnikatsiialar qyzmetindegi baspasóz máslihatynda QR Densaýlyq saqtaý ministrliginiń Qoǵamdyq densaýlyqty saqtaý komitetiniń tóraǵasy - QR Bas memlekettik sanitariialyq dárigeri Jandarbek Bekshin málim etti.
«Aýrýdyń beti qaitty. 17-shi apta sharyqtaý shegi boldy, bul kezde respýblikada bir aptada - 15, Almaty qalasynyń ózinde 13 adam tirkeldi. Sol sharyqtaý sheginen óttik. Búgin qýanyp otyrmyz, Almatyda tórt táýlikten beri meningokoktyq infektsiiamen kelip tirkelgen eshkim joq», - dedi ol. Jandarbek Bekshinniń aitýynsha, búgingi tańda respýblika boiynsha 24, Almatyda 12 naýqas emdelip jatyr.
«Almatydaǵylardy aýrýhanadan shyǵaryp jatyrmyz, 14 naýqas emdelip shyqty, osynyń ózi aýrýdyń beti qaitqanyn kórsetedi», - deidi bas sanitar.
"Úsh bala jansaqtaý bóliminde jatyr, bireýi – Almaty oblysynda, ekeýi – Astanada. Almatyda jansaqtaý bóliminde jatqandar joq. Búginde Almatyda 360 adam erikti túrde ózine vaktsina saldyrdy", — dedi ol.
Sondai-aq, bas sanitarlyq dáriger oblys ortalyqtarynda qaýyrt jel jumys isteitinin atap ótti. Oblystyq Call ortalyqtarǵa eki kún ishinde 8 myńǵa jýyq qońyraý túsken.
