قازاقستاندا مەنينگيتپەن اۋرۋ كٶرسەتكٸشٸ تٶمەندەي باستادى, دەپ حابارلايدى قازاقپارات تٸلشٸسٸ.
بۇل تۋرالى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر دەنساۋلىق ساقتاۋ مينيسترلٸگٸنٸڭ قوعامدىق دەنساۋلىقتى ساقتاۋ كوميتەتٸنٸڭ تٶراعاسى - قر باس مەملەكەتتٸك سانيتارييالىق دەرٸگەرٸ جانداربەك بەكشين مەلٸم ەتتٸ.
«اۋرۋدىڭ بەتٸ قايتتى. 17-شٸ اپتا شارىقتاۋ شەگٸ بولدى, بۇل كەزدە رەسپۋبليكادا بٸر اپتادا - 15, الماتى قالاسىنىڭ ٶزٸندە 13 ادام تٸركەلدٸ. سول شارىقتاۋ شەگٸنەن ٶتتٸك. بٷگٸن قۋانىپ وتىرمىز, الماتىدا تٶرت تەۋلٸكتەن بەرٸ مەنينگوكوكتىق ينفەكتسييامەن كەلٸپ تٸركەلگەن ەشكٸم جوق», - دەدٸ ول. جانداربەك بەكشيننٸڭ ايتۋىنشا, بٷگٸنگٸ تاڭدا رەسپۋبليكا بويىنشا 24, الماتىدا 12 ناۋقاس ەمدەلٸپ جاتىر.
«الماتىداعىلاردى اۋرۋحانادان شىعارىپ جاتىرمىز, 14 ناۋقاس ەمدەلٸپ شىقتى, وسىنىڭ ٶزٸ اۋرۋدىڭ بەتٸ قايتقانىن كٶرسەتەدٸ», - دەيدٸ باس سانيتار.
"ٷش بالا جانساقتاۋ بٶلٸمٸندە جاتىر, بٸرەۋٸ – الماتى وبلىسىندا, ەكەۋٸ – استانادا. الماتىدا جانساقتاۋ بٶلٸمٸندە جاتقاندار جوق. بٷگٸندە الماتىدا 360 ادام ەرٸكتٸ تٷردە ٶزٸنە ۆاكتسينا سالدىردى", — دەدٸ ول.
سونداي-اق, باس سانيتارلىق دەرٸگەر وبلىس ورتالىقتارىندا قاۋىرت جەل جۇمىس ٸستەيتٸنٸن اتاپ ٶتتٸ. وبلىستىق Call ورتالىقتارعا ەكٸ كٷن ٸشٸندە 8 مىڭعا جۋىق قوڭىراۋ تٷسكەن.
