«Ksell» kompaniiasy men «WikiBilim» Qoǵamdyq qory «Qazaqstannyń ashyq ýniversiteti» bilim berý onlain jobasyn iske qosýdy bastaitynyn habarlady. Almatyda Qazaqstandaǵy onlain bilim berýdi damytý perspektivalaryna arnalyp ótken dóńgelek ústelde osyndai málimdeme jasaldy.
«WikiBilim» qoǵamdyq qory prezidenti Nurbek Matjanidiń sózine qaraǵanda, búginde internet qoldanýshylary 5000-nan astam túrli onlain kýrsty paidalana alady. Oqytý materialdary bar eń tanymal alańdar – Coursera, EdX, Udacity. Biraq bulardyń kóp bóligi aǵylshyn tilinde.
«Tehnologiialar ómirimizdiń barlyq salasyn derlik túbegeili ózgertip otyr, sonyń ishinde, bilim berýdi de. Sol tehnologiialardyń arqasynda bilim berý isi ózge de kóptegen qyzmet túri siiaqty derbestendirilip keledi, iaǵni árkimniń jeke tulǵalyq erekshelikterin eskeretin boldy. Búginde kýrs oqýshylar qashan, qai kezde oqý kerektigin jáne ótken materialdy neshe ret qaitalaý kerek ekenin ózi tańdaidy. Munyń bári diplom úshin emes, bilim alý úshin oqityndarǵa, ómir boiy bir ret qana bilim alýdy kózdeitinderge emes, únemi jetilip, damýǵa tyrysatyndarǵa qolaily jaǵdai týǵyzady. Bul – óte mańyzdy jahandyq trend. Endi «Ksell» kompaniiasynyń qoldaýymen Qazaqstannyń da biregei, sonyń ishinde, qazaq tilindegi kontenti bar óz ashyq onlain kýrstar alańy paida bolady», - deidi «WikiBilim» QQ qamqorshylyq keńesiniń tóraǵasy Raýan Kenjehanuly
«Qazaqstannyń ashyq ýniversiteti» - elimizdiń jetekshi joǵary oqý oryndary oqytýshylarynyń video dáristerin tegin tyńdaýǵa múmkindik beretin onlain alań. Birinshi kezeńde telekommýnikatsiialar boiynsha 10 kýrsty iske qosý josparlanyp otyr. Sol siiaqty portalda osy kýrstardy daiyndaý barysynda qoldanylǵan mamandandyrylǵan ádebiet ashyq ornalastyrylady. Buǵan qosa, dáris materialdarynyń 80%-dan astamy memlekettik tilde usynylady. Aldaǵy ýaqytta mamandandyrylǵan kýrstardyń sany kóbeiýi múmkin.
«Qazaqstannyń ashyq ýniversiteti» jobasyn jasaýshylar qoldanýshylarǵa osyndai alańdarǵa arnalǵan eń ozyq fýnktsiialar jiyntyǵyn usynady – intýitiv interfeis, yńǵaily beinepleier (túrli tildegi sýbtitrlary bar), kýrs tyńdaýshylardyń jeke kabineti, ýniversitetter men lektorlardyń profaily, test tapsyrmalary men konspektiler.
Jobanyń ózi álemniń jetekshi ýniversitetteri – Garvard ýniversiteti men Massachýsets tehnologiia institýtynyń tandemimen jasalǵan Open edX platformasy negizinde iske asyrylady.
Q.Sátbaev atyndaǵy Qazaq ulttyq tehnikalyq zertteý ýniversiteti, QBTÝ, Almaty Management University, Súleiman Demirel atyndaǵy ýniversitet siiaqty bedeldi joǵary oqý oryndary men Matematika jáne matematikalyq modeldeý institýty, A.Baitursynuly atyndaǵy Til bilimi institýty siiaqty ǵylymi-zertteý institýttary «Qazaqstannyń ashyq ýniversiteti» jobasyna seriktes bolyp otyr.
«Telekommýnikatsiialyq kompaniia retinde biz naryqta, sonyń ishinde, bizdiń qyzmetimiz ushtasatyn salalarda joǵary bilikti mamandardyń paida bolýyna múddelimiz. Biz bul jobanyń talapkerler men JOO stýdentterin ǵana emes, IT jáne telekommýnikatsiialar salalarynda óndirýshi retinde tájiribe jinap júrgenderdi de qyzyqtyratynyna senimdimiz. Bul kýrstar áldekimderdiń keleshek mamandyqty jyldam tańdaýyna kómektesedi dep úmittenemiz. Sonymen qatar, bul portal múmkindigi shekteýli adamdardyń jáne elimizdegi túrli sebeppen joǵary bilim ala almaityn shalǵai aýdan turǵyndarynyń qosymsha bilim igerýine tamasha alań bolady», - dep atap ótti «Ksell» AQ kommýnikatsiialar bóliminiń jetekshisi Natalia Eskova.
.jpeg)