sýret ashyq derekkózden alyndy
Memleket basshysy Qasym-Jomart Toqaevtyń tapsyrmasyn oryndaý aiasynda Qazaqstanda 1 qyrkúiekten bastap ai saiynǵy memlekettik shákirtaqy mólsheri ósedi. Atap aitqanda, bakalavriat stýdentteriniń shákirtaqysy 20%-ǵa, magistranttar men doktoranttardyń shákirtaqysy 15%-ǵa, TjKB stýdentteriniń shákirtaqysy 50%-ǵa arttyrylady. QR Premer-Ministri Álihan Smaiylov Úkimettiń tiisti qaýlysyna qol qoidy, dep habarlaidy "Ult aqparat" primeminister.kz saityna silteme jasap.
Qaýlyda belgilengen shákirtaqy mólsheri tómendegidei:
– doktoranttarǵa (onyń ishinde «Densaýlyq saqtaý» baǵyty boiynsha) – 217 500 teńge;
– daiarlaýdyń «Densaýlyq saqtaý» baǵyty boiynsha rezident-dárigerlerge jáne magistranttarǵa – 111 579 teńge;
– magistranttarǵa – 97 024 teńge;
– internderge – 75 890 teńge;
– joǵary bilimniń bilim berý baǵdarlamalaryn iske asyratyn bilim berý uiymdarynda daiarlaýdyń pedagogikalyq jáne «Densaýlyq saqtaý» baǵyttary boiynsha bilim alatyn stýdentterge – 67 200 teńge;
– daiarlaýdyń pedagogikalyq baǵyttary jáne «Densaýlyq saqtaý» baǵyty boiynsha bilim alatyn stýdentterdi qospaǵanda, joǵary bilimniń bilim berý baǵdarlamalaryn iske asyratyn bilim berý uiymdarynda bilim alatyn stýdentterge – 41 898 teńge;
– tehnikalyq jáne kásiptik bilimniń bilim berý baǵdarlamalaryn iske asyratyn bilim berý uiymdarynda jumysshy biliktilikteri boiynsha oqityn stýdentterge – 32 681 teńge;
– tehnikalyq jáne kásiptik (orta býyn mamandaryn daiarlaýdy kózdeitin), orta bilimnen keiingi bilimniń oqý baǵdarlamalaryn iske asyratyn bilim berý uiymdarynda oqityn stýdentterge – 31 422 teńge.
Qaýly 2023 jylǵy 1 qyrkúiekten bastap qoldanysqa enedi.
Sonymen qatar Memleket basshysynyń Joldaýyn iske asyrý aiasynda kelesi aidan bastap mektepke deiingi tárbie men oqytý pedagogteriniń jalaqysy 30%-ǵa ósetin bolady.
