Prezident Qasym-Jomart Toqaev QR Memlekettik keńesshisiniń mártebesi men ókilettikterin aiqyndaityn Jarlyqqa qol qoidy. Ult portaly oqyrman nazaryna Jarlyqtyń tolyq mátinin usynady.
* * *
Qazaqstan Respýblikasy Memlekettik keńesshisiniń mártebesi men ókilettikteri, Qazaqstan Respýblikasy Prezidentiniń keibir jarlyqtaryna ózgerister engizý jáne Qazaqstan Respýblikasy Prezidentiniń keibir jarlyqtaryn kúshi joiyldy dep taný týraly
Qazaqstan Respýblikasy Konstitýtsiiasynyń 44-babynyń 19) tarmaqshasyna sáikes QAÝLY ETEMIN:
1. Qazaqstan Respýblikasynyń Memlekettik keńesshisi (budan ári – Memlekettik keńesshi) Qazaqstan Respýblikasynyń Prezidenti laýazymǵa taǵaiyndaityn jáne laýazymnan bosatatyn Qazaqstan Respýblikasynyń laýazymdy adamy bolyp tabylady.
2. Memlekettik keńesshi óziniń qyzmetin Qazaqstan Respýblikasy Prezidentiniń tikelei basshylyǵymen júzege asyrady, oǵan esep beredi jáne baqylaýynda bolady.
3. Memlekettik keńesshi qyzmetiniń quqyqtyq negizin Qazaqstan Respýblikasynyń Konstitýtsiiasy, zańdary, osy Jarlyq jáne Qazaqstan Respýblikasy Prezidentiniń ózge de aktileri quraidy.
4. Memlekettik keńesshi mynadai ókilettikterdi júzege asyrady:
1) Qazaqstan Respýblikasynyń Prezidentine ishki saiasat salasy boiynsha strategiialyq usynystardy tujyrymdaidy;
2) Memleket basshysynyń tapsyrmasyna sáikes:
Qazaqstan Respýblikasynyń Parlamentimen jáne onyń Palatalarymen, basqa da memlekettik organdarmen, saiasi partiialarmen jáne qoǵamdyq birlestiktermen qarym-qatynastarda;
halyqaralyq qarym-qatynastarda ókildik etedi;
3) mynalardy:
áleýmettik-gýmanitarlyq sala: bilim, ǵylym, mádeniet jáne sport máseleleri boiynsha qyzmetti úilestiredi;
Memleket basshysynyń janyndaǵy konsýltativtik-keńesshi organdardyń: Sybailas jemqorlyqqa qarsy is-qimyl máseleleri jónindegi komissiianyń; Memlekettik nagradalar jónindegi komissiianyń; Azamattyq máseleleri jónindegi komissiianyń; Memlekettik rámizder men vedomstvolyq jáne olarǵa teńestirilgen ózge de nagradalar geraldikasy jónindegi respýblikalyq komissiianyń; Shetelde kadrlar daiarlaý jónindegi respýblikalyq komissiianyń; Qazaqstan Respýblikasynyń ál-Farabi atyndaǵy ǵylym men tehnika salasyndaǵy memlekettik syilyǵyn berý jónindegi komissiianyń; Qazaqstan Respýblikasynyń Abai atyndaǵy ádebiet pen óner salasyndaǵy memlekettik syilyǵyn berý jónindegi komissiianyń; Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń; Saiasi qýǵyn-súrgin qurbandaryn tolyq aqtaý jónindegi memlekettik komissiianyń; Ulttyq quryltaidyń jáne Jastar saiasaty jónindegi keńestiń qyzmetin úilestiredi;
4) Qazaqstan Respýblikasy Prezidentiniń janyndaǵy Qazaqstannyń strategiialyq zertteýler institýtynyń qyzmetine jetekshilik etedi, qoǵamdyq damý salasyndaǵy memlekettik taldamalyq qurylymdardyń jumysyn úilestiredi;
5) «Táýelsizdik urpaqtary» grantyn taǵaiyndaý jónindegi jumysty úilestiredi;
6) Qazaqstan Respýblikasy Prezidentiniń tapsyrmalaryna sáikes ózge de ókilettikterdi júzege asyrady.
5. Osy Jarlyqta belgilengen ókilettikterdi iske asyrý maqsatynda Memlekettik keńesshi:
1) ókimder shyǵarýǵa;
2) óziniń quzyretine kiretin máseleler boiynsha ortalyq jáne jergilikti atqarýshy organdarǵa tapsyrmalar berýge;
3) Qazaqstan Respýblikasy Úkimetiniń, Memleket basshysynyń janyndaǵy konsýltativtik-keńesshi organdardyń otyrystaryna qatysýǵa;
4) óziniń quzyretine kiretin máseleler boiynsha memlekettik organdar men laýazymdy adamdardan qajetti aqparatty, qujattar men basqa da materialdardy suratýǵa jáne alýǵa;
5) óziniń quzyretine kiretin máseleler boiynsha Qazaqstan Respýblikasynyń Prezidenti aktileriniń jobalaryn ázirleý, sondai-aq Memleket basshysy alǵa qoiǵan ózge de mindetterdi sheshý úshin vedomstvoaralyq jumys toptaryn qurýǵa quqyly.
6. Memlekettik keńesshiniń qyzmetin uiymdyq-quqyqtyq, aqparattyq-taldamalyq jáne ózgedei qamtamasyz etýdi Qazaqstan Respýblikasy Prezidentiniń Ákimshiligi júzege asyrady.
7. Qosa berilip otyrǵan Qazaqstan Respýblikasy Prezidentiniń keibir jarlyqtaryna engiziletin ózgerister bekitilsin.
8. Qazaqstan Respýblikasynyń Úkimeti, Qazaqstan Respýblikasy Prezidentiniń Ákimshiligi, Qazaqstan Respýblikasy Prezidentiniń Is basqarmasy osy Jarlyqtan týyndaityn sharalardy belgilengen tártippen qabyldasyn.
9. Osy Jarlyqqa qosymshaǵa sáikes Qazaqstan Respýblikasy Prezidentiniń keibir jarlyqtarynyń kúshi joiyldy dep tanylsyn.
10. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2022 jylǵy 14 maýsym
Qazaqstan Respýblikasy Prezidentiniń
2022 jylǵy 14 maýsymdaǵy
№ 927 Jarlyǵymen
BEKITILGEN
Qazaqstan Respýblikasy Prezidentiniń
keibir jarlyqtaryna engiziletin
ÓZGERISTER
1. «Qazaqstan Respýblikasynyń Memlekettik protokolyn bekitý týraly» Qazaqstan Respýblikasy Prezidentiniń 2006 jylǵy 12 qazandaǵy № 201 Jarlyǵynda:
joǵaryda atalǵan Jarlyqpen bekitilgen Qazaqstan Respýblikasynyń Memlekettik protokolynda:
98-tarmaq mynadai redaktsiiada jazylsyn:
«98. Sondai-aq ulyqtaý rásimine Qazaqstan Respýblikasynyń Premer-Ministri, Qazaqstan Respýblikasynyń Memlekettik keńesshisi jáne Prezident Ákimshiliginiń Basshysy, Úkimet músheleri, Qazaqstan Respýblikasynyń ózge de ortalyq memlekettik organdarynyń basshylary, oblystardyń, respýblikalyq mańyzy bar qalalardyń jáne astananyń ákimderi, shet memleketter men úkimetterdiń basshylary, Qazaqstanda akkredittelgen diplomatiialyq korpýstyń ókilderi, qazaqstandyq jáne halyqaralyq jurtshylyqtyń, otandyq jáne sheteldik BAQ-tyń ókilderi qatysýǵa quqyly.»;
15-taraýdyń taqyrybyndaǵy «hatshylarynyń» degen sóz «keńesshileriniń» degen sózben aýystyrylsyn;
15-taraýdyń 2-paragrafynyń taqyrybyndaǵy «hatshylarynyń» degen sóz «keńesshileriniń» degen sózben aýystyrylsyn;
156, 157 jáne 159-tarmaqtar mynadai redaktsiiada jazylsyn:
«156. Memlekettik keńesshilerdiń qatysýymen ótetin hattamalyq is-sharalar shet memlekettiń memlekettik qurylysyndaǵy memlekettik keńesshiniń mártebesine bailanysty ótkiziledi.
157. Qazaqstan Respýblikasy Memlekettik keńesshisiniń shaqyrýy boiynsha keletin shet memleketter memlekettik keńesshileriniń saparlary Qazaqstan Respýblikasy Memlekettik keńesshisiniń hatshylyǵynda bekitilgen baǵdarlama negizinde júzege asyrylady.»;
«159. Sapardyń is-sharalaryna qatysatyn Qazaqstan Respýblikasynyń resmi tulǵalarynyń quramyn Syrtqy ister ministrliginiń usynysy boiynsha Qazaqstan Respýblikasy Memlekettik keńesshisiniń hatshylyǵy aiqyndaidy.»;
16-taraýdyń taqyrybyndaǵy «hatshysynyń» degen sóz «keńesshiniń» degen sózben aýystyrylsyn;
178, 204, 207, 208 jáne 209-tarmaqtar mynadai redaktsiiada jazylsyn:
«178. Qazaqstan Respýblikasynyń Memlekettik keńesshisi shet elge/shet elden shyqqan (kelgen) kezde áýejaida shyǵaryp salýǵa (qarsy alýǵa) Qazaqstan Respýblikasynyń Memlekettik keńesshisi hatshylyǵynyń tiisti qyzmetkeri qatysady.
Sapar baǵdarlamasy Syrtqy ister ministrligimen birlesip jasalady.
Qazaqstan Respýblikasy Memlekettik keńesshisiniń el ishindegi jumys saparlary kezinde Nur-Sultan qalasynda jáne jergilikti jerlerde shyǵaryp salý (qarsy alý), bolý baǵdarlamasyn jasaý siiaqty birqatar protokoldyq is-sharalardy júrgizý jáne qamtamasyz etý kózdeledi.
Qazaqstan Respýblikasynyń Memlekettik keńesshisi jumys saparlaryna (jumys saparlarynan) shyqqan (kelgen) kezde áýejaida shyǵaryp salýǵa (qarsy alýǵa) Qazaqstan Respýblikasynyń Memlekettik keńesshisi hatshylyǵynyń tiisti qyzmetkeri qatysady. Jergilikti jerlerde oblys ákimi jáne oblystyq mańyzy bar qala ákimi qarsy alady (shyǵaryp salady).
Qazaqstan Respýblikasynyń Memlekettik keńesshisi qatysatyn is-sharalardy, onyń ishinde shet memleketter ókilderimen jumys babyndaǵy kezdesýler men áńgimelesýlerdi Qazaqstan Respýblikasy Memlekettik keńesshisiniń hatshylyǵy belgilengen tártippen josparlaidy, kelisedi jáne qamtamasyz etedi.»;
«204. Qazaqstan Respýblikasynyń Memlekettik keńesshisine senim gramotalaryn tapsyrý kezinde shet memleketterdiń Qazaqstan Respýblikasynda qosa atqarýshy bolyp akkredittelgen elshileri Syrtqy ister ministrliginiń Memlekettik protokol qyzmetiniń qyzmetkerlerimen birge agreman berilgen kúnine sáikes kezekpen Prezident Saraiynyń ortalyq kireberisine keledi.»;
«207. Memlekettik keńesshi «Órnekti holǵa» kiredi jáne ortaǵa kelip toqtaidy. Shet memlekettiń elshisi zaldyń ortasyna bet alady jáne Memlekettik keńesshiniń qarsy aldyna kelip toqtaidy, qysqasha sálemdesedi jáne senim gramotalaryn tapsyrady. Qol alysady jáne sýretke túsedi.»;
«208. Senim gramotalaryn tapsyrǵannan keiin Memlekettik keńesshi men shet memlekettiń Elshisi qysqasha ángimelesý úshin qonaqtar bólmesine ótedi.
209. Rásimge Syrtqy ister ministriniń orynbasary jáne Qazaqstan Respýblikasynyń Memlekettik keńesshisi hatshylyǵynyń tiisti qyzmetkeri qatysady.»;
atalǵan Jarlyqpen bekitilgen Qazaqstan Respýblikasynyń Memlekettik protokolyna 1-qosymshada:
5-tarmaq mynadai redaktsiiada jazylsyn:
«5. Memlekettik keńesshi»;
atalǵan Jarlyqpen bekitilgen Qazaqstan Respýblikasynyń Memlekettik protokolyna 2-qosymshada:
5-tarmaq mynadai redaktsiiada jazylsyn:
«5. Memlekettik keńesshi».
2. «Qazaqstan Respýblikasy Prezidenti Ákimshiliginiń shtat sany men qurylymy týraly» Qazaqstan Respýblikasy Prezidentiniń 2008 jylǵy 11 aqpandaǵy № 533 Jarlyǵynda:
joǵaryda atalǵan Jarlyqpen bekitilgen Qazaqstan Respýblikasy Prezidenti Ákimshiliginiń qurylymynda:
«Memlekettik hatshynyń hatshylyǵy» degen jol mynadai redaktsiiada jazylsyn:
«Memlekettik keńesshiniń hatshylyǵy».
3. «Qazaqstan Respýblikasy Prezidentiniń Ákimshiligi týraly erejeni bekitý týraly» Qazaqstan Respýblikasy Prezidentiniń 2008 jylǵy 11 naýryzdaǵy № 552 Jarlyǵynda:
joǵaryda atalǵan Jarlyqpen bekitilgen Qazaqstan Respýblikasy Prezidentiniń Ákimshiligi týraly erejede:
9-tarmaqtyń 2) tarmaqshasy mynadai redaktsiiada jazylsyn:
«2) Qazaqstan Respýblikasy Memlekettik keńesshisiniń (budan ári – Memlekettik keńesshi), Qazaqstan halqy Assambleiasynyń jáne Prezident janyndaǵy konsýltativtik-keńesshi organdardyń qyzmetin qamtamasyz etý;»;
22-tarmaqta:
8) jáne 15) tarmaqshalardaǵy «hatshynyń» degen sóz «keńesshiniń» degen sózben aýystyrylsyn.
4. «Qazaqstan Respýblikasy Prezidentiniń joldaýyn daiyndaý jáne iske asyrý, aktilerimen jáne tapsyrmalarymen jumys isteý jáne olardyń oryndalýyn baqylaýdy júzege asyrý, normativtik quqyqtyq jarlyqtarǵa monitoring júrgizý qaǵidalaryn bekitý týraly» Qazaqstan Respýblikasy Prezidentiniń 2010 jylǵy 27 sáýirdegi № 976 Jarlyǵynda:
joǵaryda atalǵan Jarlyqpen bekitilgen Qazaqstan Respýblikasy Prezidentiniń joldaýyn daiyndaý jáne iske asyrý, aktilerimen jáne tapsyrmalarymen jumys isteý jáne olardyń oryndalýyn baqylaýdy júzege asyrý, normativtik quqyqtyq jarlyqtarǵa monitoring júrgizý qaǵidalarynda:
24-tarmaqtyń besinshi bóligi mynadai redaktsiiada jazylsyn:
«Qajet bolǵan kezde Prezident aktisiniń jobasyna Qazaqstan Respýblikasynyń Memlekettik keńesshisi, Prezidenttiń keńesshisi elektrondyq túrde viza qoiady.»;
71 jáne 78-tarmaqtar mynadai redaktsiiada jazylsyn:
«71. Osy Qaǵidalardyń 42-tarmaǵynyń 5) tarmaqshasynda kórsetilgen qyzmettik jáne ózge de qujattar boiynsha Prezidenttiń Qazaqstan Respýblikasynyń Memlekettik keńesshisine jeke berilgen jáne Prezidentti jeke habardar etýdi talap etpeitin tapsyrmalarynyń oryndalý merzimderin uzartý, orta merzimdi jáne uzaq merzimdi baqylaýǵa aýystyrý, jańa oryndaý
merzimin belgileý Qazaqstan Respýblikasy Memlekettik keńesshisiniń sheshimimen júzege asyrylýy múmkin.»;
«78. Osy Qaǵidalardyń 42-tarmaǵynyń 5) tarmaqshasynda kórsetilgen qyzmettik jáne ózge de qujattar boiynsha Prezidenttiń Qazaqstan Respýblikasynyń Memlekettik keńesshisine jeke berilgen jáne Prezidentti jeke habardar etýdi talap etpeitin tapsyrmalaryn baqylaýdan alý Qazaqstan Respýblikasy Memlekettik keńesshisiniń sheshimimen júzege asyrylýy múmkin.».
5. «Memlekettik saiasi jáne ákimshilik qyzmetshiler laýazymdarynyń tizilimin bekitý týraly» Qazaqstan Respýblikasy Prezidentiniń 2015 jylǵy 29 jeltoqsandaǵy № 150 Jarlyǵynda:
joǵaryda atalǵan Jarlyqpen bekitilgen Memlekettik saiasi jáne ákimshilik qyzmetshiler laýazymdarynyń tiziliminde:
«1-taraý. Memlekettik saiasi laýazymdar» degen taraýda:
«Qazaqstan Respýblikasynyń Memlekettik hatshysy» degen jol mynadai redaktsiiada jazylsyn:
«Qazaqstan Respýblikasynyń Memlekettik keńesshisi».
6. «Memlekettik saiasi qyzmetshilerdiń jumysyn baǵalaýdy júrgizetin ýákiletti adamdardyń tizbesin bekitý týraly» Qazaqstan Respýblikasy Prezidentiniń 2016 jylǵy 4 shildedegi № 295 Jarlyǵynda:
joǵaryda atalǵan Jarlyqpen bekitilgen Memlekettik saiasi qyzmetshilerdiń jumysyn baǵalaýdy júrgizetin ýákiletti adamdardyń tizbesinde:
myna jol:
Qazaqstan Respýblikasynyń Memlekettik hatshysy | Qazaqstan Respýblikasynyń Prezidenti |
mynadai redaktsiiada jazylsyn:
Qazaqstan Respýblikasynyń Memlekettik keńesshisi | Qazaqstan Respýblikasynyń Prezidenti |
Qazaqstan Respýblikasy
Prezidentiniń
2022 jylǵy 14 maýsymdaǵy
№ 927 Jarlyǵyna
QOSYMShA
Qazaqstan Respýblikasy Prezidentiniń
kúshi joiylǵan keibir jarlyqtarynyń
TIZBESI
1. «Qazaqstan Respýblikasy Memlekettik hatshysynyń mártebesi men ókilettikteri týraly» Qazaqstan Respýblikasy Prezidentiniń 2007 jylǵy 13 tamyzdaǵy № 379 Jarlyǵy.
2. «Qazaqstan Respýblikasy Prezidentiniń keibir aktilerine ózgerister engizý týraly» Qazaqstan Respýblikasy Prezidentiniń 2014 jylǵy 18 sáýirdegi № 806 Jarlyǵynyń 1-tarmaǵynyń 2) tarmaqshasy.
3. Qazaqstan Respýblikasy Prezidentiniń 2014 jylǵy 18 qarashadaǵy № 960 Jarlyǵymen bekitilgen Qazaqstan Respýblikasy Prezidentiniń keibir aktilerine engiziletin ózgeristerdiń 3-tarmaǵy.
4. Qazaqstan Respýblikasy Prezidentiniń 2017 jylǵy 5 mamyrdaǵy № 471 Jarlyǵymen bekitilgen Qazaqstan Respýblikasy Prezidentiniń keibir aktilerine engiziletin ózgerister men tolyqtyrýlardyń 1-tarmaǵy.
5. «Qazaqstan Respýblikasy Memlekettik hatshysynyń mártebesi men ókilettikteri týraly» Qazaqstan Respýblikasy Prezidentiniń 2007 jylǵy 13 tamyzdaǵy № 379 Jarlyǵyna ózgeris pen tolyqtyrý engizý týraly» Qazaqstan Respýblikasy Prezidentiniń 2019 jylǵy 13 sáýirdegi № 23 Jarlyǵy.
6. «Qazaqstan Respýblikasy Prezidentiniń keibir jarlyqtaryna ózgerister engizý týraly» Qazaqstan Respýblikasy Prezidentiniń 2019 jylǵy 12 qazandaǵy № 187 Jarlyǵy.
7. «Qazaqstan Respýblikasy Memlekettik hatshysynyń mártebesi men ókilettikteri týraly» Qazaqstan Respýblikasy Prezidentiniń 2007 jylǵy 13 tamyzdaǵy № 379 Jarlyǵyna ózgeris engizý týraly» Qazaqstan Respýblikasy Prezidentiniń 2022 jylǵy 25 qańtardaǵy № 787 Jarlyǵy.
